web counter
LEXO PA REKLAMA!

SHKARKO APP

App Store
Google Play

E fundit!

x

Edhe dy ditë merkato, titullari i Shqipërisë drejt transferimit në Premier League?

29 Janar 2023, 18:30, Sport CNA

Myrto Uzuni shtoi dy gola të tjerë në statistikat e tij me Granadën për këtë sezon. Sulmuesi shqiptar i dha fitoren skuadrës së tij kundër Andorrës, por golat nuk ishin e vetmja temë diskutimi rreth tij.

Për sulmuesin shqiptar kanë shfaqur interes Galatasaray dhe Leeds-i, çka ka shtyrë gazetarët të pyesnin trajnerin për këtë çështje.

Paco Lopezi ka parapëlqyer ta shmangë këtë pyetje, duke i kërkuar gazetarëve ta lënë të festojë i qetë fitoren. Megjithatë në fund ka dhënë një mesazh se në futboll mund të ndodhë gjithçka, duke lënë të kuptohet se mund të ketë edhe një largim të Uzunit në merkato.

“Më lër të shkoj të darkoj në paqe dhe të festoj fitoren. Do ta lëmë Uzunin këtu, edhe pse në futboll gjithçka mund të ndodhë”, ka thënë Paco Lopezi.

Në Spanjë raportojnë se Uzuni ka ngjallur interes në Premier League. Gazetari Luis Millian ka zbuluar për “Koha e Lojës” se Leeds interesohet për shërbimet e futbollistit beratas. Ndërkohë, nga po i njëjti burim mësohet se në bisedime me Granadën ka hyrë edhe Galatasaray.

Gjiganti turk ka kërkuar të afrojë Uzunin përkrahë Icardi-t dhe Mertensit, por Granada ka bërë të qartë se duhet paguar klauzola prej 12 milionë eurosh. Një shifër që për momentin duket e lartë për Galatasaray-n.





Lajmet e fundit nga