web counter
LEXO PA REKLAMA!

SHKARKO APP

App Store
Google Play

E fundit!

x

Historia prekëse e Mabil, nga kampi i refugjatëve në "Bernabeu" dhe më pas në Katar

11 Nëntor 2022, 16:06, Sport CNA

Historia prekëse e Mabil, nga kampi i refugjatëve në

Nga "Bernabeu" në Katar. Historia e Mabil-it, futbollistit që shkroi historinë e Australisë me penalltinë vendimtare për kualifikimin në Botëror. Një histori unike. Nga një shtëpi refugjatësh që pret më shumë se 185,000 njerëz, në të qenit lojtari vendimtar që lejoi vendin e tij të luante në Kupën e Botës.

Australia, për lojtarin që i dha Katarin Socceroos, është më shumë se një vend. Është një ndjenjë. Nga mesfusha te pika e bardhë e penalltisë, djali, siç raporton "BBC", ka ripërshkuar të gjithë të kaluarën e tij. Nga kampi i refugjatëve deri në momentin kur ai do të bëhej hero kombëtar.

SUDANI – Awer Mabili nuk ka lindur në Australi. Djali ka origjinë sudaneze, i lindur në një kamp refugjatësh. Askush nuk e zgjedh dot ku të lindë. Dhe fëmijëria nuk ishte aspak e lumtur. Babai i tij vdiq gjatë luftës civile. Në moshën 11-vjeçare, ai mori guximin për të shkuar deri në Australi për t’u bërë një futbollist profesionist.

“E dija se do të shënoja. Ishte e vetmja mënyrë që familja ime të falënderonte Australinë”. Topi e shpëtoi. “Kam lindur në një barakë. Dhoma ime e strehimit është padyshim më e madhe se kasollja në të cilën jetonte e gjithë familja jonë në atë kamp refugjatësh. Haja një herë në ditë, luaja zbathur dhe si shumë djem të tjerë, gjeta një mënyrë për t’u arratisur dhe ëndërruar”.

AUSTRALIA – Një program refugjatësh e nis familjen e Mabil-it në një të ardhme reale të mundshme: Australi. Djali vazhdoi të tregonte talentin e tij. U vu re nga Adelaide United dhe bëri debutimin e tij më 11 janar 2013 në moshën 18-vjeçare gjatë një ndeshjeje kundër Perth Glory përpara se të kalonte te skuadra daneze FC Midtjylland ku u bë i njohur në futbollin e madh.

Dhe me të ardhurat e tij të para ai themeloi së bashku me vëllanë e tij Bul, organizatën e bamirësisë Barefoot to Boots, e cila funksionon në kampin Kakuma duke ofruar arsim, kujdes shëndetësor dhe mundësi për barazi gjinore, si dhe shkollë futbolli sigurisht.

Ai është aktualisht në Cadiz ku nuk po luan shumë si të hënën në mbrëmje kundër Real Madridit në "Bernabeu", por ana tjetër e medaljes është se ai do të jetë i freskët dhe i aftë për të përfaqësuar vendin e tij të adoptuar me krenari në Katar, ku ndoshta do të ketë një shans të ri për të shkruar një kapitull tjetër të përrallës së tij.





Lajmet e fundit nga