web counter
LEXO PA REKLAMA!

SHKARKO APP

App Store
Google Play

E fundit!

x

Pak pozitivitet në kohë braktisjesh/ La Maqedoninë për Shqipërinë, kush është prodhimi turk që u vesh kuqezi

11 Nëntor 2022, 10:52, Sport CNA

Pak pozitivitet në kohë braktisjesh/ La Maqedoninë për

Andreas Ndoji ka qenë kryefjala e lajmeve ditëve të fundit në Shqipëri. Sapo nisi të stabilizohej në formacionin e parë të Olimpiakosit, 19-vjeçari mori vendimin e papritur për të ndërruar Kombëtaren. Nga ngjyrat kuqezi të origjinës së tij, zgjedh të veshë ato bardhekaltër të Greqisë. Ky vendim ka ardhur si rrufe në qiell të hapur në Shqipëri, duke bërë që të lindin debate në opinionin sportiv në vend. Por në këto kushte të vështira braktisjes, pak pozitivitet vjen nga Kombëtarja U-21.

Alban Bushi ka publikuar sot listën me lojtarët që do të ketë në dispozicion për dy miqësoret me San Marinon dhe Malin e Zi. Në listë spikat një emër i ri për ekipin kombëtar. Bëhet fjalë për Arda Kurtulanin. Mesfushori aktivizohet me Adana Demirsporin në Superligën turke, ndërsa formimin e mori në radhët e Fenerbahçes. Lindur dhe rritur në Turqi, por me origjinë nga Shkupi, Kurtulani zgjodhi fillimisht të përfaqësonte Maqedoninë e Veriut.

Por duket se gjaku e thirri dhe 19-vjeçari ka lënë fqinjët lindorë për të veshur fanellën kuqezi. Ato ngjyra që identifikojnë edhe babain e gjyshin e tij, të cilët pavarësisht emigrimit në Turqi, nuk e harruan faktin se ishin shqiptarë.  Diçka që nuk e ka harruar as vetë Arda Kurtulani. Futbollisi i Adanademirsporit ka vendosur të vishet kuqezi dhe për herë të parë do e bëjë këtë në ndeshjet e këtij muaji që Shpresat do të zhvillojnë me San Marinon dhe Malin e Zi.





Lajmet e fundit nga