E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Pike jep idenë për ndryshime drastike në futboll: Të mos ketë penallti!

11 Nëntor 2022, 07:38, Sport CNA

Zherard Pike i ka dhënë fund me futbollin e luajtur, por nuk do të qëndrojë larg tij. Këtë ai e ka pranuar në një intervistë që ka dhënë për një ‘streamer’ të njohur spanjoll, Ibai Janos, ku përveç largimit nga Barcelona, ka zbuluar edhe disa ide që ka për të ndryshuar futbollin dhe për ta bërë më spektakolar.

SHTESAT NDRYSHE

“Ti shkon në shtesa dhe kërkon gjëra të ndryshme. Nëse në 90 minuta ke barazuar, duhet të provosh gjëra të ndryshme. Për shembull, që çdo minutë të shtesës, të largohet nga fusha një lojtar. Ose çdo tre minuta. Derisa të ketë një gol, unë do të ktheja ‘golin e artë’. Imagjinoni një Haland kundër Mbapesë me të dy portierët derisa njëri të shënojë gol. Në futbollin tradicional nuk do ta bësh këtë. Nuk duhet ta provosh në një Barcelona-Madrid, por mund të bësh në një Europian U-19”.

ANULIMI I PENALLTIVE

“Të hiqen penalltitë, pasi jemi të mësuar me ta, por të vendosësh një gjysmëfinale Botërori apo një finale, është e gabuar. Është një gjuajtje nga 11 metra. Është shumë emocionuese dhe gjithçka që do. Mund të ketë shumë lojtarë të cilët nuk duan të gjuajnë pasi nuk kanë gjuajtur kurrë në jetën e tyre. Nuk kalon më i miri. Mund të kalojë kushdo. Mund të stërvitesh për to, por në çerekfinalet e një Botërori nuk mund të stërviten. Atë ndjesinë që nëse gabim del jashtë, nuk do ta gjesh në asnjë stërvitje”.

KONFERENCA PËR SHTYP TË GJYQTARËVE

“Duhet të dalin të flasin. Janë protagonistë të spektaklit dhe duhet të shpjegojnë arsyet e tyre. Do të jetë më e thjeshtë për tifozët. Edhe nëse nuk do të pranojë se u gabua, do të ndihmojë, mendoj e duhet të ketë mikrofonë. Futbolli duhet të hapet edhe më shumë. Gjyqtarët janë profesionalizuar shumë, janë të përgatitur, Mendoj e duhet të marrin më shumë përgjegjësi me vendimet e tyre.

TRAJNERËT

“Mendoj se trajnerët në fushë duhet të kenë mikrofonë gjithashtu”.