LEXO PA REKLAMA!

SHKARKO APP

Higuain: S’i harroj fjalët e shokut, 5 sekonda pas tastierës shkatërrojnë një jetë

22 Shtator 2022, 13:27, Sport CNA
Higuain: S’i harroj fjalët e shokut, 5 sekonda pas tastierës
Higuain

Edhe pse në prag të 35-vjetorit, Gonzalo Higuain ndodhet në formë të mirë dhe vijon të shënojë gola për Inter Miami në MLS.

Sulmuesi argjentinas ka prekur tema të ndryshme gjatë rrëfimit të tij për TycSports, aty ku flet për tërheqjen nga futbollit dhe fyerjet e ofendimet që pësojnë lojtarë të ndryshëm në rrjetet sociale.

“Jam në një moment të shkëlqyer të formës me Inter Miami, ndihem po aq i lehtë sa kur luaja në park si fëmijë. Kur je mirë mendërisht, mund të kthehesh për të bërë gjithçka, madje edhe shumë gola.

Tërheqja? Një shoku im i skuadrës më thoshte gjithmonë se duhet të tërhiqesh ti nga futbolli dhe jo futbolli nga ti. ‘Duhet të ndalosh kur të jesh ende në formë’.

Kritikat brutale dhe bullizmi më kanë ndryshuar: fillimisht jam vlerësuar dhe më pas pothuajse më kanë fyer për humbjen e disa rasteve për gol. E gjithë kjo krijon çekuilibër në nivel psikologjik.

Nëse përjeton një moment negativ në fushë dhe përballesh me ofendime në rrugë, nëse guxon të reagosh, pasojat janë të dyfishta.

Në vende si Italia dhe Argjentina, futbolli përjetohet pa balancën më të vogël: njerëzit mendojnë se jeta e një futbollisti është e lehtë, por në realitet është tërësisht e kushtëzuar nga rezultati. Dhe kjo nuk është e drejtë.

Kam jetuar në këtë gjendje të panatyrshme për 15 vjet dhe me kalimin në MLS vendosa të them boll më.

Duhet të kuptojmë se sot jetojmë në një kohë kur mjaftojnë 5 sekonda pas tastierës për të shkatërruar jetën e dikujt. Personalisht, nuk toleroj më mungesë respekti”, theksoi “El Pipita”.

Lajmet e fundit nga