web counter
LEXO PA REKLAMA!

SHKARKO APP

App Store
Google Play

Gvozdoneviç: Kemi një grup të mirë, mund të ngjitemi në Superiore

2 Shkurt 2023, 17:19, Sport CNA

Skënderbeu është eliminuar nga Kupa e Shqipërisë pas barazimit me Egnatian. Pas sfidës ka folur edhe trajneri Ivan Gvozdoneviç. Ai u shpreh se të dyja ndeshjet kanë qenë të mira dhe i uron suksese rrogozhinasve. Ndër të tjera ai u shpreh se tani do punojnë fort për të arritur objektivin e tyre duke u ngjitur në Superiore.

“Të dyja ndeshjet si këtu dhe në Korçë ishin shumë të mira, besoj ishte një kënaqësi edhe për tifozët që e panë ndeshjen, luftuam deri në fund, i uroj gjithë të mirat Egnatias, pasi është një ekip shumë i mirë dhe ka investuar shumë.

Ai goli që morëm në minutat e fundit ndeshjen e parë ishte një keqardhje për ne mund të shkonim më para me atë gol, por e rëndësishme është që bëmë një test me lojtarët e rinj që kemi marrë, për formacionin që kemi tani.

Lojtarët e rinj më dhanë gjithçka që kërkova, çfarë kemi bërë në stërvitje, por tani jemi të fokusuar në kampionat tek, Puka. Falenderoj klubin dhe presidencën për lojtarët e rinj që kanë sjellë, kemi një grup të mirë edhe me këta mund të arrijmë synimin tonë për tu ngjjitur në Kategorinë Superiore”, u shpreh Gvozdoneviç gjatë një prononcimi për Oversport.





Lajmet e fundit nga