web counter
LEXO PA REKLAMA!

SHKARKO APP

App Store
Google Play

E fundit!

x

Goli i dytë në La Liga, Kumbulla: Normale të vuash...

26 Janar 2025, 21:19, Sport CNA

Goli i dytë në La Liga, Kumbulla: Normale të vuash...

 

Marash Kumbulla realizoi golin e dytë sezonal në La Ligën spanjolle, me fanellën e Espanyol.

Shqiptari zhbllokoi rezultatin ndaj Sevillas në transfertë, në minutën e 15-të, në sfidën e cila u mbyll në barazim 1-1.

Pas një krosimi, topi mbeti në zonë, mbrojtësi i Kombëtares përfitoi maksimalisht dhe me një gjuajtje të fortë e ndali në fundin e rrjetës.

Kumbulla e quajti pozitive pikën e marrë në fushën e Sevillas, ndonëse shtoi se do të dëshironte triumfin.

“Kemi bërë një ndeshje shumë të mirë. Një pikë në fushën e Sevillas është pozitive. Është normale që pas avantazhit do të dëshironim fitoren, por ata shënuan një gol të shkëlqyer dhe kthehemi në shtëpi me një pikë, e cila gjithsesi na bën punë. Është një fushë e vështirë dhe normale që mund të vuash.

Pas topit të mbetur në zonë, unë duhet vetëm të shënoja dhe ia arrita. Edhe këtë herë kishim shumë tifozë që na mbështesnin. Duhet të punojmë shumë që në sfidën e radhës të marrim tre pikët.

Tifozët na japin një ndihmë të madhe dhe ne duhet të punojmë shumë, si shenjë falënderimi për ta”, u shpreh Kumbulla.

Për 24-vjeçarin, ky është goli i dytë në La Liga, pas atij të shënuar ndaj Majorkës në tetor. Skuadra katalanse renditet në vendin e 18-të me 20 pikë dhe objektiv është mbijetesa.

Kumbulla është në huazim tek Espanyol deri në fund të sezonit, ndërsa kartonin e tij e zotëron Roma.





Lajmet e fundit nga