web counter
LEXO PA REKLAMA!

SHKARKO APP

App Store
Google Play

E fundit!

x

Interi “tremb” Milanin, fitore me goleadë për zikaltërit

26 Janar 2025, 20:26, Sport CNA

Interi “tremb” Milanin, fitore me goleadë për

Interi vazhdon të konfirmojë formën e shlëqyer në Serinë A. Zikaltërit triumfuan me shifrat e thella 4-0 ndaj Lecces në transfertë, në një ndeshje pa shumë histori.

Skuadra e nisi takimin në sulm nga fillimi dhe gjeti avantazhin pas vetëm 6 minutave lojë. Frattesi shfrytëzoi në maksimum një asist të marrë nga Turam dhe e ndali topin në fundin e rrjetës.

Ky gol i dha qetësi zikaltërve, që vazhduan me sulmet e njëpasnjëshme. I njëjti lojtar realizoi edhe të dytin në minutën e 24-t, por këtë herë goli i tij u anulua për pozicion jashtë loje.

Në minutën e 39-të, ishte Lautaro Martinez, i cili shfrytëzoi në maksimum një asist të Zielinskit dhe dyfishoi shifrat, rezultat me të cilin u mbyll pjesa e parë.

Fraksioni i dytë ishte sërish i njëjtë, me kampionët më kërkues. Dumfries realizoi të tretin në minutën e 57-të, duke e bërë gjithçka më të lehtë për miqtë.

Katër minuta më vonë kishte vend edhe për një gol të Taremit, me penallti, i cili vulosi shifrat në 4-0.

Fitore bindëse e Interit, që vjen një javë para derbit me rivalët e qytetit, Milanin.

Me këtë fitore, Interi ngjitet në kuotën e 50 pikëve në vendin e dytë,  3 pikë më pak se Napoli kryesues. Megjithatë, skuadra e Simone Inzaghit, ka një ndeshje më shumë për të luajtur.





Lajmet e fundit nga