web counter
LEXO PA REKLAMA!

SHKARKO APP

App Store
Google Play

E fundit!

x

Gol dhe kualifikim në frymën e fundit, Muçi: Ishte një ndeshje e çmendur

19 Gusht 2023, 11:19, Sport CNA

Goli i tij, i shënuar në mënyrën më dramatike dhe në goditjen e fundit të topit, bëri që Ernest Muçi të shndërrohej në një hero te Legia e Varshavës, teksa me golin e realizuar në minutën e 100-të në duelin e kthimit në fushë të huaj ndaj Austrisë të Vienës, arriti t’i jepte fitoren skuadrës polake. Falë golit të Muçit, kampionët e Polonisë, arritën të siguronin kualifikimin për në “play-off”-in e Ligës së Konferencës. Duke folur pas ndeshjes, futbollisti shqiptar nuk e fshehu lumturinë.

“Ishte shumë ndeshje e çmendur. Djemtë dhanë gjithçka dhe e meritonin ta fitonin këtë ndeshje. Është  shumë e rëndësishme për ne që të kalonim në raundin tjetër. Jam shumë i kënaqur që hyra në fushë dhe fituam ndeshjen. Jam i lumtur! Gjatë gjithë kohës kur isha në stol po mendoja se nuk ka më ndeshje përtej kësaj. Kur ishte 3-4 mendova: “Në rregull, kohë shtesë“. Por isha me fat që patëm një shans tjetër dhe shënova”, tha Muçi.

Talenti shqiptar u fut nga stoli në minutën e 4-t shtesë të kohës së rregullt në duelin ndaj Austrisë së Vjenës, duke shënuar golin që vulosi fitoren 5-3 në minutën e 10-të shtesë. “Sigurisht që doja ta bëja këtë. Por ka të bëjë më shumë me instiktin. Unë nuk mendoj për asgjë kur hyj në fushë. Marr vendime në moment. Jam i lumtur që mora vendimin e duhur dhe fituam ndeshjen. Jam shumë i lumtur për tifozët, e shijoj shumë kur shënoj dhe festoj me ta, sidomos në ndeshjet në shtëpi”, pohoi sulmuesi i Legias.

Në mbyllje, lojtari i Kombëtares kuqezi ka folur edhe për kundërshtari i radhës, teksa në “play-off”-in e Ligës së Konferencës, Legia do të përballet me Midtjylandin. “Do të jetë një ndeshje e vështirë, por edhe kjo ishte një ndeshje e vështirë. Për të shkuar në grupe na duhet të bëjmë historinë përsëri kundër tyre. Jemi gati dhe do të përgatitemi. Shpresoj që do t’ia dalim”, përfundoi Muçi.





Lajmet e fundit nga