web counter
LEXO PA REKLAMA!

SHKARKO APP

App Store
Google Play

E fundit!

x

Goditje e rëndë për Dani Alvesh, gjykata merr vendimin për brazilianin

21 Shkurt 2023, 16:38, Sport CNA

Gjykata e Apelit në Barcelonë ka hedhur poshtë kërkesën e avokatëve të mbrojtësit brazilian, Dani Alvesh, për t’u larguar nga burgu ku gjendet që nga momenti i arrestimit të tij pas akuzave për përdhunim të ngritura nga një 23-vjeçare.

Lojtari u arrestua një muaj më parë dhe u la në burg pa liri me kusht, pasi avokatët e viktimës pretendonin se ekziston mundësia e madhe që ai të largohet drejt Brazilit, një vend i cili nuk pranon ekstradimet. Ashtu si në seancën paraardhëse ku u mor vendimi që Alvesh të qëndronte në qeli, avokatët kanë paraqitur listën e kompanive që zotëron në Brazil futbollisti dhe të cilat i garantojnë atij miliona euro të ardhura, që mund t’ia bënin të thjeshtë arratisjen nga Spanja nëse largohej nga qelia.

Ndaj edhe gjykata ka vendosur të lërë në fuqi vendimin, duke mbajtur Dani Alvesh në burgun “Brians 2” në Katalonjë, ku ai do të qëndrojë derisa të caktohet data e gjyqit të tij, për t’u përgjigjur më pas para drejtësisë për ngjarjen që ka ndodhur në natën e 30 dhjetorit.





Lajmet e fundit nga