web counter
LEXO PA REKLAMA!

SHKARKO APP

App Store
Google Play

E fundit!

x

Bajerni me “dy fytyra”, Nagelsman në ankth për kampionatin

21 Shkurt 2023, 16:02, Sport CNA

Bajerni me “dy fytyra”, Nagelsman në ankth për kampionatin

Bajerni i Mynihut po përjeton një sezon me shumë luhatje, me ekipin që tregon tjetër fytyrë në Europë dhe tjetër në kampionat, ndërsa humbja e fundit në kampionat, në "Borussia-Park" përballë Borussia M’Gladbah riktheu përsëri pikëpyetjet tek ekipi bavarez.

Disfata në fundjavë ka rihapur totalisht kampionatin dhe llogaritë për titullin kampion, pasi tashmë tri ekipe, Bajern, Union dhe Dortmund janë me pikë të barabarta.

Në kampionat kampionët e Gjermanisë kanë pësuar dy humbje dhe 7 barazime, ndërsa krahasuar me sezonin e kaluar, Bajerni e mbylli kampionatin me vetëm 10 ndalesa, 5 barazime dhe 5 humbje.

Nagelsman tani ka ditë përpara për të përgatitur skuadrën që në fundjavë do të presë në shtëpi rivalët kryesorë, Union Berlin.

Mes shumë problemeve për shkak dëmtimesh, Upamekano do të jetë një mungesë tjetër e rëndësishme, ndërsa mediet gjermane kanë raportuar se trajneri gjerman nuk është aspak i kënaqur me formën e treguar nga Gnabri, Gravenbersh dhe Blind, ndërsa Myler duket gjithmonë edhe më i fikur.

Ndaj M’Gladbach kartoni i kuq i Upamekanos ndryshoi totalisht ndeshjen dhe ritmin e bavarezëve, por Nagelsman e di mjaft mirë se një tjetër hap fals mund të rëndojë shumë situatën si për klubin, po ashtu edhe për të në aspektin personal.

Ndaj Union Berlin pritet të ketë disa ndryshime në formacion dhe gjithçka do të sqarohet me kalimin e ditëve, por diçka është e sigurt, qetësia nuk është shumë prezente në kampin bavarez, pasi tani janë "të dënuar” për të marrë maksimumin dhe për të reaguar edhe sa i përket garës për titullin kampion.





Lajmet e fundit nga