web counter
LEXO PA REKLAMA!

SHKARKO APP

App Store
Google Play

Gjysmëfinalja e Kupës së Italisë, Allegri: Inter ka sulm të fortë, e urrej entuziazmin

3 Prill 2023, 16:03, Sport CNA

Të martën në mbrëmje, Juventus pret në "Allianz Stadium", Interin, një ndeshje e vlefshme për gjysmëfinalen e Kupës së Italisë. Para sfidës së parë, në konferencën për shtyp, trajneri i bardhezinjve, Massimiliano Allegri, theksoi se skuadra e tij është mësuar duke luajtur çdo tri ditë ndërsa shtoi se përballë është një skuadër të cilën ai e vlerëson për aspektin sulmues.

“Na pret një ndeshje kundër një skuadre të fortë që vjen pas disa humbjeve dhe do t’i duhet të reagojë. Jemi mësuar të luajmë çdo tri ditë dhe duhet të vazhdojmë në këtë kompeticion për të mbushur ditët edhe në muajin maj, duhet të qëndrojmë në Kupë, Kampionat dhe Europa League.

Bëhet fjalë për një ndeshje gjysmëfinale dhe për Juve-Inter, nuk mund të bëhen parashikime. Duhet të krijojmë kushtet e duhura për të kaluar në finale dhe e rëndësishme është të tregohemi të vëmendshëm në fushë sepse shumë elozhe bëjnë dëm. Inter nuk po kalon një moment të mirë dhe këto skuadra janë të rrezikshme.

E vërtetë se kemi një bilanc pozitiv me Inter duke fituar dy përballjet e këtij sezoni. Inter ka një organikë të fortë në sulm. Duhet të shkojmë në finale dhe na duhet ekuilibër sepse unë e urrej entuziazmin e tepërt”, u shpreh Allegri.





Lajmet e fundit nga