web counter
LEXO PA REKLAMA!

SHKARKO APP

App Store
Google Play

Goleadorët e Superiores/ Hasani "merr arratinë", Dwamena surpriza e bukur

3 Prill 2023, 10:27, Sport CNA

Florent Hasani është golashënuesi më i mirë i kampionatit shqiptar, duke arritur që më në fund të lërë pas vetes Redon Xhixhën, i cili është larguar në merkaton e janarit. Sulmuesi nga Vushtrria arriti që të shënonte tregolëshin e tij të parë në kampionatin shqiptar, duke qenë përcaktues në ndeshjen e javës së 27-të përballë Erzenit.

Rival të cilin Tirana e mundi 3-1. 26-vjeçari, me golat e shënuar së fundmi, është kthyer në pretendentin kryesor për “Këpucën e Artë”, pasi ka një diferencë prej 5 golash me Patrick Nonaton e Erzenin, duke nxjerrë nga gara Redon Xhixhën dhe Xhuljano Skukën. Dy sulmuesit kanë mbetur në kuotën e 11 dhe 10 golave.

Hasani ka marrë skuadrën për dore, duke qenë protagonist absolut që nga janari e në vazhdim. Ai ka plotësuar edhe hapësirën e lënë nga largimi i Xhixhës. Lojtari dardan ka shënuar 10 gola në këtë vit kalendarik në Superiore me bardheblutë e Orges Shehit.

Shënuesi i tretë më i mirë i kampionatit, duke llogaritur gjithmonë lojtarët aktivë, mund të quhet një surprizë. Raphael Dwamena, edhe pse u afrua në merkaton e janarit tek Egnatia, ka arritur që të gjejë 8 herë rrugën e rrjetës.

27-vjeçari ganez po rezulton një nga lojtarët më të rëndësishëm të rrogozhinasve. Lista e shënuesve vijon më pas me Kahrimanovic i Erzenit dhe Kallaku i Teutës, me nga 7 realizime.





Lajmet e fundit nga