web counter
LEXO PA REKLAMA!

SHKARKO APP

App Store
Google Play

Gjobë dhe pezullim, çfarë e pret Matondon te Partizani

4 Korrik 2023, 14:14, Sport CNA

Gjobë dhe pezullim, çfarë e pret Matondon te Partizani

Telenovelës me protagonistë Masanga Matondon dhe Partizanin duket se po i vjen fundi. Mesfushori që pas fundit të sezonit ndodhet në Kongo, ku fillimisht u angazhua me kombëtaren e tij e më pas qëndroi në atdhe, pavarësisht urdhrit të klubit për t’u kthyer në skuadër me pjesën tjetër të lojtarëve.

Arsyeja e mosardhjes së lojtarit lidhet me refuzimin e Partizanit për ta shitur, kundrejt një oferte prej 300 mijë eurosh, plus 50% të kartonit nga klubi i Hatajsporit, që militon në Superligën turke. Partizani e ka refuzuar dhe kërkon minimalisht dyfishimin e ofertës. Kjo solli një konflikt në distancë mes lojtarit dhe klubit të kuq, që kërkon me patjetër ta ketë të gatshëm në ndeshjet e kompeticioneve europiane.

Pas një “lufte” të gjatë, duket se lojtari më në fund ka vendosur të bëjë një hap pas, i shtyrë nga kontrata deri në vitin 2024. Në mos sot, në ditët e para të kësaj jave pritet që Matondo të zbarkojë në Tiranë. Ai do të nisë stërvitjen me skuadrën, por përveç kësaj do të ketë një takim kokë më kokë me drejtuesit e lartë për të caktuar përfundimisht të ardhmen. Nga konkluzioni i kësaj bisede do të varen shumë gjëra. Matondo do të ishte dakord të luante në Evropë në rast se klubi pranon ta shesë më pas, me Hatajsporin, që ka marrë vendimin për ta pritur kongolezin.

Ndërkohë, Partizani nga ana tjetër do të duhet të marrë një vendim për këtë “rebelim” të Matondos, pasi rrezikohet që kjo të shndërrohet në një precedent. Një gjobë e konsiderueshme apo një pezullim sa i përket aktivizimit, mund ta presë Matondon në vijim. Por duket theksuar se prania e tij në fushë ndaj BATE-s mbetet tejet e rëndësishme.





Lajmet e fundit nga