web counter
LEXO PA REKLAMA!

SHKARKO APP

App Store
Google Play

E fundit!

x

“Gjeji vetë lojtarët, mos i merr me recetë”, Sokol Kusha ironizon Rejën: Gati sa s’po qaje për himnin e Italisë

18 Nëntor 2022, 16:22, Sport CNA

“Gjeji vetë lojtarët, mos i merr me recetë”, Sokol

Sokol Kushta ka ironizuar trajnerin Edy Reja. Tekniku i kuqezinjve ishte në pankinë në miqësoren me Italinë, që skuadra jonë përfaqësuese e humbi me rezultatin 3-1. Ish-lojtari i njohur i kombëtares shqiptare thekson se është detyrë e italianit të gjejë talentët.

Ai ironizon duke thënë se janë të tjerët që vendosin për futbollistët, ndaj tashmë është koha t’i gjejë vetë. Në postimin e bërë në rrjetet sociale, Kushta shkruante:

“Në ndeshje vëllazërore (miqësore) me Italinë, shumë nga ne panjë një ndeshje të bukur me raste. Por, s’do ndalem aty. Pasi prapë formacioni qe një shpikje e parafundit e trajnerit tonë, që ishte shumë i emocionuar deri në lot kur do dëgjonte himnin e italianëve.

Harroi që qe trajneri i Shqipërisë dhe në fund të ndeshjes donte një fjalor të mësonte shqipen. Megjithatë po të qe se do të kishte një dëshirë për të punuar, kishte gjithë kohën në dorë. Lojtarë ka dhe ky ka detyrë t’i gjejë. Jo, t’ia japin me recetë të tjerët”.

Kujtojmë që Edy Reja ende nuk ka rinovuar dhe nuk dihet nëse do të qëndrojë ose jo në krye të kuqezinjve.

Postimi i Kushtës




Lajmet e fundit nga