web counter
LEXO PA REKLAMA!

SHKARKO APP

App Store
Google Play

E fundit!

x

Gjasula: Për Kombëtaren mund të ndryshoj dhe pozicion

24 Mars 2023, 14:32, Sport CNA

Klaus Gjasula u paraqit sot në konferencën për shtyp përpara ndeshjes ndaj Polonisë. Mesfushori që aktivizohet në Bundesliga 2 me Darmstad, preku disa tema të ndryshme, duke nisur nga takimi i parë eliminator, trajneri Silvinjo dhe objektivat e Kombëtares.

GJENDJA FIZIKE – “Gjendja fizike është në rregull. Luajta 20 minuta në ndeshjen e fundit, isha 'ok', por të shohim nëse do të jem në gjendje të luaj nga minuta e parë. Do të jap maksimumin nëse luaj, dua të ndihmoj shokët”.

QENDRA E MBROJTJES – “Po, do të isha gati të luaja edhe në qendër të mbrojtjes. Jam mësuar me atë rol. E vendos trajneri, por jam gati të luaj në mbrojtje”.

ATMOSFERA – “Kemi një frymëmarrje të re, trajneri ka shumë energji. Jemi optimistë që do të bëjmë mirë”.

SILVINJO – “Çdo trajner ka idetë e veta për të luajtur futboll. Kemi një skemë të re, të gjithë janë dakord dhe do të japin maksimumin. Trajneri na është dukur shumë mirë në ditët e para. Me emocion dhe energji, ka qenë shumë mirë deri tani. Silvinjo na ka treguar idetë e veta. Në të ardhmen do të bëhet më mirë”.

NDESHJA – “Ne shkojmë në Poloni për të kapur maksimumin, por edhe një pikë është mirë. Të dyja ndeshjet me Poloninë kanë treguar se mund të marrim pikë. Ata kanë kualitete të mira. Do të jemi shumë të përqendruar që të mos bëjmë gabime. Kjo është ajo që ka më shumë rëndësi”.





Lajmet e fundit nga