web counter
LEXO PA REKLAMA!

SHKARKO APP

App Store
Google Play

Mesi arrin shifrën e 800 golave si profesionist

24 Mars 2023, 10:25, Sport CNA

Lionel Mesi ka arritur shifrën magjike të 800 golave në karrierën e tij si profesionist.

Kampioni në fuqi i botës, Argjentina, ka marrë një fitore 2-0 ndaj Panamasë para adhuruesve të vet dhe Mesi nuk do ta harrojë kurrë këtë ndeshje.

Ishte minuta e 89-të e ndeshjes, kur gjeniu argjentinas realizoi një gol të jashtëzakonshëm nga gjuajtja e lirë për ta vulosur fitoren e kombëtares argjentinase.

Me golin ndaj Panamasë, Mesi ka arritur në kuotën e 800 golave në karrierën e tij si profesionist, ku ka realizuar me Barcelonën, Paris Saint Germain dhe kombëtaren e Argjentinës.

35-vjeçari shifrën e 800 golave e ka arritur në 1017 ndeshje zyrtare me Barcelonën, PSG-në dhe Argjentinën.

Shtatë herë fituesi i "Topit të Artë" ka shënuar 672 gola në ndeshje zyrtare me Barcelonën, 29 gola me Paris Saint Germain dhe 99 gola me kombëtaren e Argjentinës.

Ylli argjentinas tani mbetet 30 gola mbrapa Kristiano Ronaldos, i cili ka shënuar 830 gola deri më tani në karrierën e tij, por që është tri vite më i vjetër se Mesi.





Lajmet e fundit nga