web counter
LEXO PA REKLAMA!

SHKARKO APP

App Store
Google Play

Shifra e majme/ 2.59 milionë euro në arkat e Partizanit

24 Mars 2023, 09:22, Sport CNA

Shifra e majme/ 2.59 milionë euro në arkat e Partizanit

Partizani këtë sezon kërkon dëshpërimisht titullin kampion. "Demat" udhëheqin "Abissnet Superiore" me pikë të barabarta me rivalin e tyre, Tiranën, me nga 44 pikë secila paas 26 javësh. Nga njëra ana tifozët kërkojnë që kryeqyteti të jetë i kuq këtë sezon dhe të zbresin nga froni pikërisht rivalin e tyre të përjetshëm, ndërsa drejtuesit kërkojnë këtë trofe për të mbushur arkat e klubit.

Në muajin janar të këtij viti të kuqtë bënë një nga shitjet më të shtrenjta të ndodhura në Shqipëri. Xhuliano Skuka u transferua te Metz në Francë për shifrën e 1.4 milionë eurove, shifër kjo që përfundoi në arkën e "demave". Gjithashtu u bë e mundur edhe shitja e Bitrit, në total 1.6 milionë euro vetëm nga transferimet në merkato.

Por jo vetëm kaq, pasi Partizani ka shansin e artë të fitojë të tjera të ardhura këtë vit. Nëse të kuqtë ia dalin të fitojnë titullin kampion dhe shkojnë në Champions League, në rastin më të keq do të siguronin plot 810 mijë euro. Përveç kësaj nga shpërblimet e Bashkisë së Tiranës dhe FSHF-së do të merrnin 180 mijë euro. Në total do të kapnin shifrën e 2.59 milionë euro. Një shifër rekord që mungon që nga koha kur Skënderbeu i artë kualifikohej në grupet e Europa League.

Por edhe nëse "demat" nuk do të mund të fitonin titullin dhe kualifikohen në Europë do të siguronin 1.65 milionë euro, vetëm 250 mijë euro të fituara në Europë. Ndërkohë në merkaton e verës priten të tjera transferime, ku emra si Hadroj, Cara, Rrapaj apo Matondo pritet të tejmbushin arkat e Partizanit.





Lajmet e fundit nga