web counter
LEXO PA REKLAMA!

SHKARKO APP

App Store
Google Play

Kërcasin gjobat, Arsenali është klubi më i padisiplinuar në Angli

23 Mars 2023, 18:23, Sport CNA

Klubet e Premier Ligës dhe ato të Ligave Profesioniste të Futbollit kanë paguar një shifër prej 1.3 milionë paundësh gjoba këtë sezon për sjellje agresive në fushë. 

“The Sun” ka zbuluar shifrat e gjobave që skuadrat e elitës së futbollit anglez kanë paguar deri tani këtë sezon pas incidentit që ndodhi në ndeshjen çerekfinale të Kupës FA mes Junajtidit dhe Fulhamit, ku u treguan tre kartonë të kuq në harkun e 40 sekondave për miqtë. Por me sulmuesin Mitroviç, i cili shtyu arbitrin dhe trajnerin Marko Silva në pritje të dënimit, 54 ekipe të tjera nga 92 të ligave profesioniste të futbollit anglez janë gjobitur për sjelljen e tyre.

Arsenali është skuadra që ka paguar shifrën më të lartë të gjobave nga klubet e Premier Ligës këtë sezon (185 mijë paund), ndërsa Mançester Junajtidi dhe Evertoni kanë paguar gjoba me 6 shifra. Kryesuesit e Premier Ligës janë shpallur fajtorë në katër raste se nuk kanë arritur që të kontrollojnë sjelljen e lojtarëve të tyre këtë sezon. Vetëm pesë klube të Premier Ligës nuk kanë marrë gjoba për humbje të kontrollit në fushë: Njukasëlli, Brentfordi, Lestëri, Bornmëthi dhe Sauthemptoni.

Federata angleze ka lëshuar më shumë se 100 gjoba për klubet e Premier Ligës dhe EFL-së, ndërsa shifra në total arrin në 1.279.375 paund. Vetëm klubet e Premier Ligës janë gjobitur me 932.500 paund në total. Dhe me gjobën në ardhje të Fulhamit për sjelljen e Mitroviçit dhe trajnerit Silva ndaj arbitrit, pritet që totali i 15 klubeve të gjobitura të Premier Ligës ta kalojë shifrën e 1 milion paundëve. Gjobën më të lartë këtë sezon e ka marrë Mançester Siti: 75 mijë sterlina për sjelljen e skuadrës së vet në përballjen me Arsenalin në “Emirates” muajin e shkuar.





Lajmet e fundit nga