web counter
LEXO PA REKLAMA!

SHKARKO APP

App Store
Google Play

E fundit!

x

Gazetari zbulon afrimin e ri në Kombëtare: Silvinjo do ta marrë për ndeshjet e marsit

27 Shkurt 2023, 13:02, Sport CNA

Anis Mehmeti është një nga lojtarët shqiptarë më në formë për momentin. Mesfushori siguroi një kontratë në Championship me Bristol City-n, ku ka siguruar menjëherë vendin e titullarit dhe ka tërhequr vëmendje me pasimet dhe goditjet e tij. Mehmeti zotëron aftësi të mëdha teknike, të cilat kanë rënë edhe në sytë e Silvinjos.

Altin Sulçe zbulon gjatë emisionit “Ora Sport” në “Ora TV” se trajneri brazilian ka pasur kontakte intensive me 22-vjeçarin për ta afruar në Kombëtaren kuqezi.

“Po jap edhe unë një lajm për Mehmetin. E di që ka kontakt Silvinjo, do që ta marrë në ekipin kombëtar. Nga një burim, nga një shok i tij. Ka kontakte intensive, sepse është një lojtar që ka bërë diferencën”, ka zbuluar Altin Sulçe.

Erand Ibrahimi ishte i ftuar në studion e emisionit “Ora Sport“ në “Ora TV“, ku ka folur edhe për punën e bërë nga Silvinjo në këto muaj të parë në krye të pankinës së Shqipërisë.

Drejtori i projekteve në FSHF tregon se trajneri brazilian është duke kryer një punë intensive dhe i ka të qarta planet e tij. Ibrahimi zbulon se Silvinjo dëshiron që filozofinë e tij të lojës ai dëshiron ta përcjellë në shqip te lojtarët dhe për këtë arsye përkthyesi, përveç përkthimit gjuhësor, do të ketë për detyrë të përçojë edhe emocionet e trajnerit. Sa i përket Zabaletës, duket se të gjithë janë të befasuar me aftësinë e tij të natyrshme për të motivuar futbollistët.





Lajmet e fundit nga