web counter
LEXO PA REKLAMA!

SHKARKO APP

App Store
Google Play

E fundit!

x

Vazhdon "inati" i Inzagit me Asllanin, ja kë lojtar aktivizoi para shqiptarit

26 Shkurt 2023, 22:56, Sport CNA

Transferimi i Kristjan Asllanit te Interi në merkaton e verës u prit më shumë interes në Itali teksa shihej si një nga talentët më premtues të Serie A.

Djaloshi shqiptar shkëlqeu me Empolin në pozitën para mbrojtjes me qetësinë, saktësinë në pasime dhe vizionin e lojës. Këto atribute bënë që gjiganti zikaltër të derdhte plot 14 milionë euro për shërbimet e tij.

Mirëpo, teks pritej t’i jepej shanse për të zhvilluar talentin e tij, Kristjan Asllani është “mbyllur” në stol duke marrë minuta vetëm në ndeshje të “përfunduara”.

Sot Interi humbi përballë Bolognas në transfertë dhe mesfushori shqiptar “shijoi” një tjetër ndeshje nga stoli. Por e veçanta është që trajneri Inzaghi nuk llogarit fare në shërbimet e tij

madje sot zgjodhi të hedhë në fushë një mesfushor 17-vjeçar nga akademia, Valentin Carboni, i cili zëvëndësoi Brozovic në minutën e 83-të.

Interi ka marrë një humbje të papritur sot në fushën e Bologna. Ndeshja e luajtur në “Renato Dall’Ara” përfundoi 1-0 për vendasit. Golin e vetëm të sfidës e shënoi Orsolini në të 76-tën.





Lajmet e fundit nga