web counter
LEXO PA REKLAMA!

SHKARKO APP

App Store
Google Play

E fundit!

x

Bomberi shqiptar që kërkoi Partizani nuk ndalet, vetëm 2 gola larg rekordit

26 Shkurt 2023, 19:15, Sport CNA

Silvio Merkaj vazhdon të shënojë me një rregullsi mbresëlënëse në Serinë C dhe është një nga kandidatët kryesorë për të fituar garën e golashënuesit më të mirë në Grupin B të këtij turneu. Sulmuesi shqiptar ka shënuar edhe sot, duke ndihmuar skuadrën e Entelës të sigurojë një fitore që e ngjit në vendin e dytë në renditje dhe e bën pretendente për ngjitjen në Serinë B në edicionin e ardhshëm.

Merkaj ishte si zakonisht titullar në sfidën që Entela luajti në transfertë kundër Ankonës. Në një ndeshje të dominuar totalisht nga miqtë, Merkaj shënoi golin e rezultatit përfundimtar 3-0, duke transformuar me saktësi një penallti.

Nëse Entela u ngjit në vendin e dytë në renditjen e kampionatit pas këtij rezultati, vetë Merkaj e sheh veten në vendin e 4-t në renditjen e golashënuesve më të mirë me 12 rrjeta të tundura në këtë sezon. Rekordi i tij në Serinë C është ai i edicionit të kaluar, ku shënoi 14 gola, 12 të tillë në edicionin e rregullt dhe 2 në play-off.

Partizani kërkoi sulmuesin gjatë verës, por u tërhoq kur Entela i kërkoi 500 mijë euro për kartonin e tij.





Lajmet e fundit nga