E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Gjimshiti do hakmarrjen ndaj kuqezinjve! Statistikat e ndeshjes Milan-Atalanta

26 Shkurt 2023, 14:48, Sport CNA

Në fazën e parë pas 78 minutash në fushë ndaj Milanit Berat Gjimshiti theu këmbën. Rikthimi ndodhi pak javë më parë, teksa prej katër ndeshjesh është titullar i padiskutueshëm.

Dy fitore dhe dy humbje me vetëm dy gola të pësuar, e bëjnë Gasperinin të ndihet i sigurt me shqiptarin në prapavijë. Pikërisht prania e 30-vjeçarit do të ndihmojë Xhampiero Gasperinin të rreshtojë skuadrën e tij me tre sulmues kundër Milanit sonte ne mbrëmje, me shpresën për t’u hapur telashe kampionëve të Italisë.

– Milani është i pamposhtur në katër ndeshjet e fundit të Serisë A kundër Atalantës (tri fitore dhe një barazim në fazën e parë): kuqezinjtë nuk kanë kaluar pesë ndeshje rresht pa humbur kundër bluzinjve që nga periudha katërvjeçare 2008- 2012. (6 herë asokohe).

– "Djalli" fitoi 2-0 në ndeshjen e fundit në shtëpi kundër Atalantës në Serinë A (15 maj 2022), pas një serie prej shtatë ndeshjesh radhazi pa mundur lojtarët e Gasperinit (4B, 3H); trajneri i fundit i kuqezinjve që mund të fitonte dy herë radhazi kundër tyre në shtëpi në dy kampionate radhazi ishte Fabio Kapelo (sezonet '92-'93 dhe '93-'94).

– Milani ka fituar tri ndeshjet e fundit në të gjitha turnetë 1-0: por nuk ka fituar kurrë 4 ndeshje radhazi këtë sezon dhe nuk kanë arritur katër fitore radhazi pa pranuar gola që nga 2020-’21-shi.

– “Djalli” ka marrë vetëm një pikë (1B, 3H) në katër ndeshjet e fundit të luajtura kundër skuadrave që zënë një nga 6 vendet e para në renditjen reale, fitorja e fundit e kuqezinjve kundër këtij lloji ekipi daton në derbin e fazës së parë kundër Interit ( 3-2 në shtator 2022).

– Ekipi i Gasperinit ka humbur tri nga katër ndeshjet e fundit në të gjitha turnetë (1F), pasi realizoi 4 fitore dhe dy barazime në gjashtë ndeshjet e para të vitit 2023; Bluzinjtë fituan ndeshjen e tyre të fundit në transfertë, teksa nuk kanë arritur dy fitore radhazi si miq në Serinë A që nga shtatori 2022 (4 në atë rast).

– Në shkurt, Malick Çau është një nga dy mbrojtësit, bashkë me Kim Min-Jae i Napolit, i cili përmbledh më shumë duele ajrore (11) dhe goditje me kokë në mbrojtje (10) në Serinë A (si gjermani i Milanit ashtu edhe koreani janë në kuotën 21).

– Rafael Leão – i cili shënoi në ndeshjen e fundit të Serisë A në “San Siro” kundër Atalantës – nuk ka qenë i përfshirë në asnjë gol të Milanit në shtatë paraqitjet e tij të fundit në të gjitha turnetë: ai nuk ka arritur të paktën tetë ndeshje radhazi që nga marsi 2021 te kuqezinjtë pa ndikuar në asnjë gol (9 radhazi në atë rast).