E fundit!

21:28 Politikë

Votimi për strukturat drejtuese/ Berisha: Kemi ekipin më të mirë në historinë e PD-së

Kreu i Partisë Demokratike, Sali Berisha, ka folur për med...

Në "Wembley" luhet Carabao Cup, Manchester United përballë Newcastle

26 Shkurt 2023, 11:11, Sport CNA

Në mitikun "Wembley" dorëzohet një trofe. Këtë të diel, në orën 17.30 me orën shqiptare, Kupa e Ligës së Anglisë, e quajtur ndryshe Carabao Cup, kërkon kampionin e saj të 63-të.

Manchester United kërkon suksesin e 6-të të historisë në këtë kompeticion, përballë Newcastle që rikthehet në këtë finale pas plot 47 vjetësh, Magpies nuk e kanë fituar kurrë trofeun.

Për "bookmakers"-at anglezë Manchester United – Newcastle paralajmërohet si një finale ku nuk do të shënohet një numër i madh golash. Përballen dy skuadra solide, veçanërisht bardhezinjtë që në Premier League mund të krenohen me mbrojtjen më të mirë, me vetëm 15 gola të pësuar. Në kampionat sfida mes tyre, e luajtur në tetorin e kaluar përfundoi me rrjeta të paprekura. Për Rashford sulmuesin e momentit që ka shënuar 16 gola në 18 ndeshjet e fundit, dhe për shokët e tij paralajmërohet një pasdite goxha e komplikuar.

Gjithsesi Manchester United padyshim që parashikohet si skuadra favorite, "Djajtë e Kuq" arrijnë për të 10-ën herë në finalen e Kupës së Ligës. 5 sukseset, herën e fundit me Mourinhon në stol. "Djajtë e Kuq" këtë sezon në raundet e para kanë eliminuar Aston Villan, Burnley dhe Charlton para se të kalonin në gjysmëfinale Nottingham Forres. Plot 47 vjet pritje për të arritur këtu për Newcastle, që ka luajtur finalen e vetme të Kupës së Ligës në 1976 duke e humbur përballë Manchester City-n.

Bëhet fjalë për eventin e fundit të madh për klubin bardhezi, që titullin e fundit në kampionat e ka fituar në 1927, ndërsa finalen e fundit të FA Cup në 1955. Në vitin 1969 Newcastle fitoi Kupën e Panaireve që më pas u shndërrua në Kupën UEFA.

Djemtë e Eddie Howe kanë eliminuar këtë sezon në rrugëtimin e tyre Tranmere, Crystal Palace, Bournemouth dhe Leicester. Në gjysëmfinale kaluan Southampton, pasi fituan 1-0 në shtëpinë e rivalëve ndërsa siguruan suksesin 2-1 edhe në kthim.
Manchester United – Newcastle përballen për herë të 118-të në historinë e tyre.

Një bilanc i çekuilibruar me 63 fitore të "Djajve të Kuq", 34 barazime dhe vetëm 20 fitore për Magpies. Për sa u përket vetëm sfidave mes tyre në Kupën e Ligës bëhet fjalë për takimin e katërt. Në 3 ndeshjet e mëparshme dy fitore të United dhe vetëm një sukses i Newcastle që daton në 1994. Në total djemtë e Ten Hag janë të pamposhtur në 6 ndeshjet e fundit radhazi përballë rivalëve, me 4 fitore dhe dy barazime, teksa Newcastle nuk gjen suksesin përballë United që nga 6 tetori i 2019 kur triumfonte 1-0 në St. James Park.