web counter
LEXO PA REKLAMA!

SHKARKO APP

App Store
Google Play

E fundit!

x

Krimi monstruoz, ish-futbollisti pjesë e trafikut të drogës tregon se si vrau dhe zhduku një person në liqen

27 Shkurt 2023, 09:14, Sport CNA

Krimi monstruoz, ish-futbollisti pjesë e trafikut të drogës

Një ish-futbollist ka rrëfyer në policinë zvicerane se ka vrarë një person gati pesë vjet më parë (më 16 qershor 2018). Ai ka rrëfyer se e ka hequr qafe trupin, duke e hedhur në liqenin Lemàno, në kufirin franko-zviceran.

Gazeta “Tribune de Genève” zbulon historinë e pabesueshme. Ish-mesfushori tha se kishte debatuar me viktimën, që mendohet se i përkiste një bande kriminale të Lionit. Sportisti, i dyshuar si i përfshirë në trafikun e drogës, duhej të merrte mallin në Spanjë. Por, në vend të kësaj, sulmoi një figurë të krimit të organizuar në Lion për një cështje borxhesh të papaguara, sipas burimit të cituar më sipër.

Ish-futbollisti e ka rrahur për vdekje viktimën, një mafioz 44-vjeçar, me shkop bejsbolli. Më pas, ai e mori trupin në bagazh nga Lioni në Lancy (Gjenevë), ku jetonte. Ai qëndroi atje për disa ditë derisa vendosi ta transferonte këtë herë në Villeneuve, një qytet i vogël në kantonin Vaud, në rrethin Aigle. Autori ka treguar në polici se si ka hequr qafe kufomën e dyshuar, që ende nuk është gjetur. Sipas tij, ai lundroi me një gomone në liqenin e Gjenevës dhe, kur gjeti rastin, e hodhi trupin.

Mediat nuk e bëjnë të ditur emrin e fajtorit të mundshëm, por japin disa pista. Ai e ka filluar karrierën e tij të futbollit në Francë. Pasi bëri debutimin e tij në divizionin e dytë francez, ai luajti për klube zvicerane si FC Lancy ose FC Aigle. Gjyqi për këtë krim të dyshuar do të zhvillohet në maj, nga data 9 deri në 12.





Lajmet e fundit nga