web counter
LEXO PA REKLAMA!

SHKARKO APP

App Store
Google Play

Galtier nuk bind, PSG po mendon për “Special One”

18 Shkurt 2023, 13:57, Sport CNA

Viti 2023 zbardhi me probleme në të gjitha nivelet për PSG. Na njëra anë, rinovimi me Lionel Messi po bëhet gjithnjë e më i largët si skenar, në një kohë kur parisienët po zhgënjejnë, me humbjen në Paris ndaj Bayern Munich në Champions League që ishte kulmi i situatës së keqe.

Nuk është thjesht rastësi që PSG ka më shumë humbje në dy muajt e parë të 2023 sesa në të gjithë vitin 2022, një shembull i formës së keqe që po kalojnë kohët e fundit.

Dhe me imazhin zhgënjyes në fushë, stoli i Christophe Gaultier gradualisht po fillon të vihet në rrezik. Në fakt, sipas informacioneve të “Foot Mercato”, në Paris tashmë kanë nisur përgatitjen e terrenit për zëvendësimin e teknikut francez dhe kanë rënë në kontakt me Jose Mourinho.

Nëse diçka nuk ndryshon në mënyrë drastike, diskutimet mes dy palëve pritet të intensifikohen në të ardhmen e afërt, me Luis Campos që ka veçuar portugezin si zgjedhjen ideale për të marrë përsipër situatën e trashëgimisë.

Siç shihet nga raporti përkatës, fakti që Mourinho është i lidhur me kontratë deri në vitin 2024 te Roma, nuk i dekurajon veçanërisht francezët duke pasur parasysh marrëdhëniet e shkëlqyera që mbajnë me skuadrën italiane.





Lajmet e fundit nga