web counter
LEXO PA REKLAMA!

SHKARKO APP

App Store
Google Play

FSHF “zgjohet” dhe i “rrëmben” Maqedonisë shqiptarin e talentuar

3 Mars 2023, 12:08, Sport CNA

Reshat Ramadani është talenti i prodhuar së fundmi nga futbolli maqedonas, i cili bëri hapin e madh të karrierës, teksa u transferua këtë merkato nga Shkëndija drejt Dinamo Kiev për shifrën e 250 mijë eurove. 19-vjeçari luan në pozitën e mesfushorit defansiv ndërsa mund të bëjë mjaft mirë edhe në dyshen e mbrojtjes.

Ramadani shihet si një nga talentët me shumë perspektivë dhe kjo ka zgjuar interesin e FSHF-s të cilët janë interesuar menjëherë për shërbimet e tij. Sipas medias së shkruar, lojtari është pajisur me pasaportë shqiptare dhe do të thërritet në ekipin Shpresa fillimisht e më pas në ekipin A.

Me trajnerin e ri, Sylvinho, çdo lojtar e nis nga “zero” dhe të gjithë do të kenë mundësinë të thërriten nëse braziliani i sheh si afrime cilësore.

Reshat Ramadani u prezantua te Dinamo Kievi, një ndër skuadrat me më shumë trofe në Ukrainë, nga e cila skuadër kanë dalë emra të mëdhenj të futbollit europian, siç ishin Andrij Shevçenko, Sergerj Rebrov, etj.

Ramadani te Dinamo Kievi u transferua nga radhët e Shkëndijës së Tetovës, aty ku talenti tetovar kishte kaluar të gjitha grupmoshat dhe ishte rritur me këtë klub, pjesë e pandarë e së cilës që nga viti 1992 janë edhe tifo grupi “Ballistët”.Pikërisht dashuria ndaj tyre ka bërë që Reshat Ramadani te Dinamo Kievi ta zgjedh numrin 92, që përshkon me themelimin e këtij grupi.





Lajmet e fundit nga