web counter
LEXO PA REKLAMA!

SHKARKO APP

App Store
Google Play

Foda: Dua vetëm fitore, ja kush mund ta zëvendësojë Muriqin

7 Tetor 2024, 13:52, Sport CNA
Foda: Dua vetëm fitore, ja kush mund ta zëvendësojë Muriqin
Franco Foda, trajneri i Kosovës

Trajneri i përfaqësueses së Kosovës, Franco Foda, deklaroi nga grumbullimi i “dardanëve” në prag të ndeshjeve të Ligës së Kombeve për këtë muaj se vendimi i përjashtimit të tre lojtarëve në shtator, Zhegrovës, Muslijës dhe Muriçit, u mor bashkërisht me Federatën.

Duke folur për mediet këtë të hënë, Foda u shpreh se ata thyen rregullat ndaj u mor vendimi në fjalë.

“Versioni origjinal është se këtë vendim e kemi marrë bashkërisht me FFK-në, sepse ata kanë thyer rregullat në prag të ndeshjes”,-tha fillimisht ai.

Teksa sa u përket dy ndeshjeve të radhës, ndaj Lituanisë dhe Qipros, tekniku gjerman shtoi se synojnë me patjetër fitoret.

“Duam të kualifikohemi, pra duhet t’i fitojmë të dyja ndeshjet. Lituania ka cilësi të mira, ka luajtur mirë kundër Rumanisë dhe për ne është mirë të marrim vetëbesimin që e kishim kundër Qipros dhe ta transferojmë kundër Lituanisë. E rëndësishme është se edhe nëse kemi kundërsulme, duhet të jemi të organizuar në mbrojtje”, -vijoi ai.

I pyetur se si do e rregullojë mungesën e sulmuesit kryesor të Kosovës, Vedat Muriqit, trajneri i “dardanëve” shtoi se Rashica është shumë në formë dhe gati.

“Vedat Muriqi është lojtar shumë i rëndësishëm për ekipin tonë dhe sigurisht që është mungesë e madhe, por kemi mjaftueshëm alternativa. Rashica është opsioni i parë, pastaj Asllani, Rrahmani...”-tha ndër të tjera Franco Foda./CNA





Lajmet e fundit nga