E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

“Kam vetëbesim, jam gati të luaj në çdo moment”, Pajaziti: Ja kujt i tregova të parit për ftesën e Kombëtares

7 Tetor 2024, 11:49, Sport CNA

Ajeti, Pajaziti, Burimi: FSHF

Mesfushori që mori ftesën e parë me Kombëtaren kryesore të Shqipërisë, Adrion Pajaziti, deklaroi në konferencën e dhënë për mediet në prag të ndeshjeve të Ligës së Kombeve, se është në formë dhe ndihet gati për të luajtur.

Ai theksoi se është i lumtur për ftesën e marrë nga Kombëtarja e parë dhe se ka vetëbesim për të luajtur në çdo moment që i duhet trajnerit.

Sa gati jeni për të marrë pjesë në Kombëtare? - Besoj se jam shumë gati se jam në formë të mirë. Në muajt e fundit kam qenë mirë, kam qenë mirë me Fulham-in, kam shënuar gol. Tani kam shkuar në Kroaci dhe kam luajtur mirë. Po të më jepet shansi të luaj jam gati.

Kujt do t'i zini vendin? - S'e di, jam mesfushor ofensiv, mund të luaj aty ku e sheh trajneri më mirë.

Kujt i treguat të parit për ftesën nga Kombëtarja? - Me mamin fola para dhe me babin, kemi qenë të gjithë shumë të lumtur dhe krenarë.

Dygolëshi me Zvicrën e vendosi ftesën? - S'e di, duhet të pyesni trajnerin. Por ishte një ndeshje shumë e mirë për ne, por jo vetëm ajo ndeshje, por edhe me klubin, e gjitha besoj ka ndikuar.

Bushi ju krahason me Demollarin, si ju duket? - E kam shikuar pak Demollarin nga videot në "YouTube", unë jam Pajaziti dhe jo Demollari, por është legjendë e Shqipërisë dhe ndihem mirë kur më krahasojnë me të dhe shpresoj të bëhem i mirë si ai.

Një idhull në Kombëtare? - Më pëlqen si luajnë Asllani dhe Bajrami se janë lojtarë të mirë teknikë si unë dhe i pëlqej. Jashtë Kombëtares Modric më ka pëlqyer që i vogël.

Hendeku U-21 dhe Kombëtarja e parë? - Nuk do jetë i lehtë, por jam gati, çunat më kanë pritur mirë dhe më kanë bërë të ndihem rehat. Mezi pres të nis me stërvitjen dhe të shikoj.

Objektivi me Kombëtaren shqiptare? - Dua të tregoj veten dhe të thirrem sërish, të jem lojtar i Kombëtares dhe të bëhem standard e të kualifikohemi në Botëror.

Këto dy ndeshjet jeni gati të aktivizoheni? - Jam gati në çdo moment që trajneri më fut në fushë dhe kam formë dhe vetëbesim.

Shqipëria do të ndeshet më 11 tetor me Republikën Çeke, teksa më 14 tetor do përballet me Gjeorgjinë, me të dyja takimet që kuqezinjtë do t'i luajnë në transfertë./CNA