web counter
LEXO PA REKLAMA!

SHKARKO APP

App Store
Google Play

E fundit!

x

Gola, penallti të humbura dhe kartonë të kuq, çfarë ndodhi në ndeshjen Fiorentina-Milan?

7 Tetor 2024, 08:18, Sport CNA
Gola, penallti të humbura dhe kartonë të kuq, çfarë
Fiorentina, Burimi: Flashscore

Milan-i vazhdon të ketë luhatje rezultatesh, ndërsa ka rënë në transfertën e Fiorentina-s.

Takimi i javës së shtatë të Serie A u mbyll me rezultatin 2-1, me sfidën që ishte goxha e komplikuar.

Vendasit kishin mundësinë që të zhbllokonin takimin që në minutën e 22’, por Kean humbi goditjen nga pika e bardhë e penalltisë.

Megjithatë, në minutën e 35’ lojtari që është i huazuar te Fiorentina nga Milan-i, Adli gjeti rrugën drejt rrjetës dhe zhbllokoi sfidën.

Te “Djalli” kishin mundësinë që të barazonin në minutën e 45+1’, por Theo nuk ia doli që të shënonte me penallti.

Në nisjen e pjesës së dytë, më saktësisht në minutën e 56’ ishte Abraham ai i cili humbi goditjen nga pika e bardhë e penalltisë për Milan-in.

Megjithatë, në minutën e 60’ Pulisic ia doli që të gjente rrugën drrejt rrjetës dhe të barazonte për kuqezinjtë.

Nga Fiorentina shënuan sërish, me Gudmundsson që riktheu avantazhin te vendasit në minutën e 73’ si dhe njëkohësisht t’i jepte fitoren skuadrës së tij.

As kartonët e kuq nuk munguan në këtë takim, me Palladino-n e Fiorentina-s që u ndëshkua në stol në minutën e 85’, teksa Theo nga ana e Milan-it u ndëshkua po në stol, por në minutën e 90+6’.

Pas këtij takimi, Fiorentina renditet në vend të 11-të me 10 pikë, teksa Milan-i në vend të gjashtë me 11 pikë./CNA





Lajmet e fundit nga