web counter
LEXO PA REKLAMA!

SHKARKO APP

App Store
Google Play

Fitimi i Europianit, spanjollët mbushin "arkat". Zbulohen të ardhurat nga UEFA

15 Korrik 2024, 11:52, Sport CNA

Fitimi i Europianit, spanjollët mbushin "arkat". Zbulohen të

Spanja ia doli të fitojë Europianin e vitit 2024, por përveç trofeut të madh, kombëtarja iberike ka marrë edhe një shumë të majme financiare.

Secila kombëtare fitoi 9.25 milionë euro vetëm duke u kualifikuar në "Euro 2024". Çdo fitore në fazën e grupeve në turneun në Gjermani vlente një milion euro dhe një barazim me gjysmë milioni euro. Fitorja në fazën e 1/8-ave ishte 1.5 milionë euro, në çerekfinale 2.5 milionë euro dhe në gjysmëfinale 4 milionë euro.

Finalisti i mundur mori 5 milionë euro, ndërsa fituesi 8 milionë euro. Kështu, shuma maksimale që fitoi kampioni i ri i Evropës është 28.25 milionë euro, në total.

Para fillimit të garës, Federata Spanjolle dhe futbollistët ranë dakord që 30 përqindëshi i shumës t’u shkonte lojtarëve të kombëtares spanjolle dhe në rast të fitimit të Europianit u ra dakord që futbollistët të merrnin 40 për qind nga fondi i të ardhurave.

Në fund, çdo lojtar i iberikëve dhe anëtarët e stafit stërvitor morën nga 400 mijë euro. Një pjesë e bonusit duhet t’u shpërndahet punonjësve që shoqëruan ekipin spanjoll gjatë garës.

Kujtojmë se Spanja është shpallur kampione e Evropës për herë të katërt, pasi mposhti në finalen e madhe Anglinë, me rezultatin 2-1. “Furia e Kuqe” u bë kështu skuadra me më shumë trofe në Europian me katër tituj kampionë, duke lënë pas Gjermaninë me tre trofe.





Lajmet e fundit nga