E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu, i renditur me 84 pikë në garën për drejtoritë...

Finalja e Champions League, Inzaghi: Në fushë nuk luajnë milionat

31 Maj 2025, 08:28, Sport CNA

Simone Inzaghi do të luajë finalen e dytë në tri vitet e fundit me Inter-in në Ligën e Kampioneve.

Dueli me PSG-së vjen në një moment ku në qendër të vëmendjes kanë qenë edhe spekulimet rreth së ardhmes së tij, pas raportimeve për oferta të konsiderueshme nga klubet saudite.

Në konferencën për shtyp, Inzaghi deklaroi se përvoja nga finalja e vitit 2023 ka ndikuar në mënyrën se si është menaxhuar kjo periudhë përgatitore.

Trajneri italian theksoi se përballja me një skuadër si PSG, që dominon në mbajtjen e topit në Europë, kërkon qartësi teknike dhe përqendrim maksimal në fazat e menaxhimit të posedimit.

I pyetur mbi të ardhmen e tij dhe mundësinë e largimit pas kësaj finaleje, Inzaghi deklaroi se fokusi mbetet te finalja dhe se vendimet për të ardhmen do të diskutohen në një takim të planifikuar me drejtuesit e klubit pas përfundimit të ndeshjes.

“Në krahasim me dy vjet më parë, tani është përvoja në përgatitje, në mënyrën se si të arrish në finale. E dimë që çdo ndeshje është një histori më vete, u munduam të kujdeseshim për të gjitha detajet me shumë kujdes. Është e rëndësishme të jesh në gjendje të mbështetesh te të gjithë lojtarët.
Do të përgjigjem për të ardhmen. Kjo është një finale e Ligës së Kampionëve, pastaj të martën do të takohemi dhe do të flasim, duke pasur në mendje të mirën e Inter-it. Mund të flas për ndjenjat e mia, ka një emocion të madh në çdo ndeshje të Ligës së Kampionëve. Pastaj e merituam finalen duke luajtur kundër ekipeve të shkëlqyera.

Nuk janë rrogat apo të ardhurat që shkojnë në fushë, por lojtarët që e dinë se do të duhet t’u kushtojnë vëmendje të madhe detajeve. Ne e dimë që finalet vendosen në bazë të episodeve, dy vjet më parë ne konsideroheshim të dobët dhe fusha thoshte se luajtëm si të barabartë, që ndoshta meritonim diçka më shumë pavarësisht se kishim ekipin më të fortë në botë përpara nesh”, deklaroi Inzaghi.

Ndeshja mes Inter-it dhe PSG-së do të luhet në stadiumin “Allianz Arena”.