E fundit!

12:07 Aktualitet

KLSH zbulon shkelje në ISUV/ PD: Rama të japë dorëheqjen

Partia Demokratike i ka bërë thirrje kryeministrit Edi Ram...

Ernest Muçi: Nuk mendoj për Europianin

18 Mars 2024, 12:52, Sport CNA

Sulmuesi Ernest Muçi foli për mediat para dy ndeshjeve miqësore që do të luajë Shqipëria, ndaj Kilit dhe Suedisë.

Muçi u ndal te transferimi i tij në Turqi gjatë merkatos së dimrit, ku tha se është pritur shumë mirë.

I pyetur për Europianin, lojtari deklaroi se nuk mendon për këtë, ndërsa shtoi se duhet të bëjnë mirë për të shpresuar më pas te ftesa.

"Më kanë pritur shumë mirë te Besiktas, jam përshtatur shumë shpejt. Shpresoj që të rikthehemi te rruga e fitoreve, pasi nuk kemi pasur disa rezultate të mira, me ndihmën e tifozëve besoj do ia dalim.

Atmosfera këtu është shumë e mirë, e tillë ka qenë gjatë gjithë kualifikueseve, një atmosferë fantastike me grupin, jemi shumë të ndërthurur së bashku. Europianin nuk e kam menduar fare, për momentin dua të bëj mirë me klubin tim dhe në këto dy miqësore që kemi para. Janë dy ekipe të mëdha dhe ne duhet të tregojmë veten jo vetëm për këto dy sfida, por që e meritojmë të shkojmë në Europian.

Këta tre muaj janë shumë vendimtarë për të gjithë lojtarët që janë pjesë e Kombëtares. Duhet të japim më të mirën edhe për klubet tona që të jemi pjesë e listës në 'Euro 2024', por ajo është pjesë e trajnerit, ne duhet të vazhdojmë të bëjmë më të mirën në këto dy miqësore dhe në ndeshjet e mbetura në kampionatet tona.

Synoj të bëj më të mirën në karrierën time, nuk është e lehtë që të shkosh nga kampionati polak te Beshiktas dhe kur erdhi ajo ofertë nuk është se u mendova dy herë. Besoj se ishte vendimi i duhur. Dua të tregoj vlerat e mira. Rreziku është edhe në verë, lëvizjen e parë nga Tirana te Legia e kisha në janar dhe jam mësuar si të them. Deri tani është OK. E kam ndier që tifozët më mbështesin mua e të tjerët. Pritshmëritë janë dhe duhet të bëjmë më të mirën, të tregojmë veten. Shpresoj t’ja arrijmë të marrim rezultat. Në kualifikuese kanë qenë stadiumet plot edhe në transfertë. Në këto 2 ndeshje do të jetë po ashtu. Do të bëjmë më të mirën që të ndihem se kanë një ekip të denjë për Europian", deklaroi Muçi.