web counter
LEXO PA REKLAMA!

SHKARKO APP

App Store
Google Play

E fundit!

x

Elbasani në “rënie të lirë”, Mezani debuton me barazim te Bylisi

15 Shkurt 2025, 15:42, Sport CNA

Elbasani në “rënie të lirë”, Mezani debuton me

Elbasani ka harruar të fitojë. Verdheblutë nuk shkuan më shumë se barazimi 1-1 ndaj Bylisit në transfertë, në ndeshjen e vlefshme për javën e 25-të në Superiore.

Ishte një sfidë e bukur dhe e luftuar nga të dyja ekipet, që në fund u detyruan të ndajnë nga një pikë mes tyre.

Elbasani kaloi në avantazh në minutën e 11-të, pas një goli të shënuar me kokë nga Tsague. Fraksioni i parë u mbyll me këtë rezultat, pavarësisht rasteve të tjera nga të dyja ekipet.

Pjesa e dytë nisi me Bylisin më kërkues. Ballshiotët kishin tri raste të pastra, por nuk i shfrytëzuan si duhet.

Dominimi i vendasve u shpërblye në minutën e 64-t, kur Berko barazoi shifrat me kokë, pas një goditje këndi.

Tsague iu afrua golit në minutën e 85-të, po tentativa e tij u ndal nga shtylla. Në fund miqtë ishin me fat, pasi Berko nuk shfrytëzoi si duhej një top të mbetur në zonë.

Debutim me barazim për trajnerin e ballshiotëve, Gentian Mezani, i cili pasoi në stol të larguarin Nevil Dede.

Ky barazim mban Elbasanin në vendin e pestë me 30 pikë, ndërsa Bylis renditet i shtati me pesë pikë më pak. Kjo është ndeshja e pestë radhazi pa fitore tek Elbasanit, me skuadrën e Ivan Gvozdenovic që duket se po kalon një moment shumë të vështirë.





Lajmet e fundit nga