web counter
LEXO PA REKLAMA!

SHKARKO APP

App Store
Google Play

E zbulon Zhegrova: Më ftoi trajneri i Shqipërisë, por zgjodha direkt Kosovën

12 Nëntor 2024, 13:57, Sport CNA

E zbulon Zhegrova: Më ftoi trajneri i Shqipërisë, por zgjodha

Edon Zhegrova ka zbuluar se është kontaktuar nga ish-trajneri i Shqipërisë, Christian Panuçi, për të zgjedhur kuqezinjtë, në rang kombëtaresh.

Në një intervistë për “Klan Kosova”, Zhegrova deklaroi se dëshira e tij ka qenë të luajë vetëm për Kosovën dhe vendimin e ka marrë brenda 15 sekondave.

“Në momentin kur erdhi Shqipëria për të më ftuar në Kombëtare, ka ardhur trajneri Panuçi në atë kohë, e kam lënë si mundësi të hapur. Nuk i kam thënë as po, as jo. Pas një jave më ka kontaktuar i ndjeri, legjenda Fadil Vokrri dhe jemi takuar në po të njëjtin restorant me babin tim dhe me menaxherin tim. Të them të drejtën, siç e ka thënë edhe ai në intervistë, nuk ka zgjatur shumë. Për 15-20 sekonda më ka pyetur: “A do të luash për Kosovën”? Unë i kam thënë menjëherë “po”. Më ka rrahur zemra për Kosovën. Aty e kam familjen, shoqërinë dhe sa herë që vij në Prishtinë ndihem mirë. Me gjithë respektin për Kombëtaren e Shqipërisë dhe të gjithë shqiptarët kudo që janë”, ka thënë Edon Zhegrova.





Lajmet e fundit nga