web counter
LEXO PA REKLAMA!

SHKARKO APP

App Store
Google Play

E fundit!

x

Statistika e veçantë, Ismajli gjen formën e tij më të mirë në Itali

12 Nëntor 2024, 11:42, Sport CNA
Statistika e veçantë, Ismajli gjen formën e tij më të
Ardian Ismajli

Ndeshja e fundit me Empoli-n ishte shumë e veçantë për mbrojtësin e Kombëtares shqiptare të futbollit, Ardian Ismajlin, i cili numëroi 100 ndeshje në kampionatin e Serie A.

Që nga kalimi te Spezia në shtator 2020, e deri më tani që luan për Empoli-n, shqiptari ka marrë pjesë në 100 sfida të elitës së futbollit italian.

Megjithatë, vlen të theksohet se ky sezon ka qenë edhe më i veçanti për 28-vjeçarin, i cili shpeshherë ka mbajtur edhe shiritin e kapitenit për Empoli-n, si dhe është zgjedhur në formacionet më të mira të javëve në vazhdim.

Madje edhe në takimin e fundit, në barazimin 1-1 në transfertën e Lecce-s, sfidë që u luajt për llogari të javës së 12-të të Serie A, Ismajli ishte lojtari më i mirë në fushën lojës.

Një formë shumë e mirë kjo e mbrojtësit kuqezi dhe një lajm shumë i bukur për trajnerin Sylvinho, ndërsa jemi në prag të sfidave të fundit të Shqipërisë në Ligën e Kombeve.

Kombëtarja do të përballet gjatë këtij muaji me Republikën Çeke dhe me Ukrainën, të dyja takime që do të mbahen në stadiumin “Air Albania” në datat 16 dhe 19 nëntor./CNA





Lajmet e fundit nga