web counter
LEXO PA REKLAMA!

SHKARKO APP

App Store
Google Play

Trabzonspor-i largon shqiptarin nga ekipi i parë: Të përmirësojë performancën

12 Nëntor 2024, 08:23, Sport CNA
Trabzonspor-i largon shqiptarin nga ekipi i parë: Të
Trabzonspor

Rezultatet zhgënjyese kanë bërë që drejtuesit e klubit të Trabzonspor-it të mos jenë aspak tolerantë me lojtarët që i shohin si problem.

Së fundmi klubi turk ka marrë një vendim të fortë për katër nga lojtarët e ekipit.

Përmes rrjeteve sociale, klubi turk ka bërë me dije se katër lojtarë janë larguar nga ekipi i parë që të punojnë më vete për të rritur performancat e tyre, e në këtë listë është edhe emri i mesfushorit me origjinë shqiptare, Enis Bardhit.

“Si rezultat i takimit mes presidentit Ertugrul Dogan, zëvendëspresidentit Zeyyat Kafkas dhe trajnerit Senol Gunes, është vendosur që futbollistët tanë Mislav Orsiç, Stefano Densëil, Enis Bardhi dhe Umut Bozok të stërviten veçmas për të përmirësuar performancat e tyre”,-njofton Trabzonspor.

Enis Bardhi, i cili u bashkua me skuadrën e Trabzonspor-it në 2022-shin, këtë sezon numëron gjithsej 13 ndeshje në të gjitha kompeticionet, pasi nuk konsiderohet si një nga emrat e preferuar të trajnerit Gunes.

Tashmë mbetet për t’u parë se cila do të jetë e ardhmja e 29-vjeçarit, nëse do të vazhdojë të jetë pjesë e Trabzonspor-it në të tilla kushte apo nëse do të vendosë të ndryshojë ambient./CNA

Trabzonspor-i largon shqiptarin nga ekipi i parë: Të
Enis Bardhi




Lajmet e fundit nga