web counter
LEXO PA REKLAMA!

SHKARKO APP

App Store
Google Play

E fundit!

x

"Dhimbje koke" para dy ndeshjeve, Silvinjo humb tre lojtarë

11 Nëntor 2024, 15:12, Sport CNA

"Dhimbje koke" para dy ndeshjeve, Silvinjo humb tre lojtarë

Kombëtarja shqiptare nisi këtë të hënë përgatitjet zyrtare, për dy ndeshjet e Ligës së Kombeve, ndaj Çekisë dhe ndaj Ukrainës.

Kuqezinjtë, nën urdhrat e trajnerit Silvinjo, zhvilluan stërvitjen e parë për dy takimet e muajit nëntor.

Lojtarët e parë në fakt mbërritën që të dielën në grumbullim, për shkak se kishin mbaruar më herët impenjimet me skuadrat e tyre.

Është zyrtarizuar mungesa e tre lojtarëve në këtë grumbullim. Marash Kumbulla, Berat Gjimshiti dhe Keidi Bare, nuk do të jenë në drejtimin e Silvinjos dhe stafit teknik.

Tre lojtarët ishin pjesë e listës, por nuk do të grumbullohen, për shkak të problemeve fizike. Gjithashtu në dyshim është edhe prezenca e Rei Manajt.

Sulmuesi do t'u nënshtrohet testeve të detajuara mjekësore dhe më pas do të shihet nëse mund të luajë apo jo.

Dhimbje kokë për trajnerin e Shqipërisë, që duhet të bëjë pa disa lojtarë të rëndësishëm. Shqipëria do të përballet me Çekinë më 16 nëntor, ndërsa 3 ditë më vonë sfidon Ukrainën.

Dy ndeshjet janë të vlefshme për Ligën e Kombeve, aty ku do të vendosen edhe verdiktet përfundimtare, sa i përket renditjes.

Sa i përket renditjes, Shqipëria renditet në vendin e tretë në Grupin B1. Kuqezinjtë numërojnë 6 pikë të grumbulluara, po aq sa Gjeorgjia e vendit të dytë.

Kryesimi mbahet nga Çekia, me 7 pikë, kundërshtar me të cilin Kombëtarja shqiptare do të përballet në “Air Albania”.

Të dyja takimet e radhës për Shqipërinë, do të zhvillohen në Tiranë.  





Lajmet e fundit nga