web counter
LEXO PA REKLAMA!

SHKARKO APP

App Store
Google Play

Sporting-u mposht Braga-n dhe arratiset më shumë në krye, Benfica mposht Porto-n

11 Nëntor 2024, 09:12, Sport CNA
Sporting-u mposht Braga-n dhe arratiset më shumë në krye, Benfica
Sporting

Sportingu i Lisbonës mori një fitore bindëse në transfertën e Braga-s, në takimin e javës së 11-të të elitës së futbollit portugez.

Takimi i luajtur në “Municipal” u mbyll me rezultatin 2-4, me miqtë që triumfuan me përmbysje.

Ishte Horta ai që zhbllokoi takimin me golin e minutës së 20’, duke kaluar në avantazh vendasit dhe po ai realizoi edhe golin e dytë për Bragën në minutën e 45’ dhe bëri që fraksioni i parë të mbyllej me rezultatin 2-0.

Në fraksionin e dytë ndeshja ndryshoi “fytyrë”, në minutën e 58' Morita rihapi sfidën, teksa në minutën e 81’ Hjulmand barazoi për Sporting-un.

Harder realizoi dygolësh në minutat 89’ dhe 90+4’, duke përmbysur rezultatin dhe njëkohësisht duke vulosur triumfin e Sporting-ut.

Pas javës së 11-të Braga renditet në vend të pestë me 20 pikë, teksa Sporting-u shkëputet më shumë në krye me 33 pikë, gjashtë pikë më shumë se Porto e vendit të dytë.

Takim tjetër shumë interesant i këtij raundi në kampionatin portugez ishte ai mes Benfica-s dhe Porto-s që u mbyll me rezultatin 4-1.

Për vendasit rrjetën e gjetën Carreras në minutën e 30’, Di Maria me dygolësh në minutën e 56’ dhe me penalltinë e minutës së 82’ dhe autogoli i Perez që thelloi fitoren e vendasve.

Ndërsa për miqtë shënoi vetëm Samu në minutën e 44’.

Pas kësaj përballjeje Benfica renditet në vend të tretë me 25 pikë, teksa Porto në vend të dytë me 27 pikë./CNA





Lajmet e fundit nga