web counter
LEXO PA REKLAMA!

SHKARKO APP

App Store
Google Play

Roma në krizë totale pas Bologna-s, Kean mposht i vetëm Verona-n

10 Nëntor 2024, 16:56, Sport CNA
Roma në krizë totale pas Bologna-s, Kean mposht i vetëm Verona-n
Kean

Vazhdon kriza për Roma-n, skuadra “verdhekuqe” bie në “Olimpico” përballë Bologna-s në javën e 12-të të Serie A.

Skuadra e Ivan Juric u mposht me rezultatin 2-3 në shtëpi, duke “shkundur” më shumë stolin e trajnerit kroat.

Ishin miqtë ata që gjetën rrugën drejt rrjetës të parët, me Castro-n që zhbllokoi takimin me golin e minutës së 25’.

Roma barazoi me El Shaarawy-n në minutën e 63’, teksa po ai realizoi edhe golin e dytë për vendasit në minutën e 82’.

Golin për Bologna-n e gjetën edhe Orsolini në minutën e 66’ dhe Karlsson që shënoi në minutën e 77’.

Në fund 2-3 dhe Roma renditet momentalisht në vend të 12-të me 13 pikë, teksa Bologna në vend të tetë me 18 pikë.

Në sfidën tjetër që u luajt pasditen e kësaj të diele, Fiorentina fitoi 3-1 ndaj Verona-s.

Sfida e luajtur në “Artemio Franchi” u zhbllokua në minutën e 4’ nga Kean që vazhdon të jetë vendimtar për ekipin e tij, megjithatë në minutën e 18’ Serdar barazoi për miqtë.

Kean shënoi edhe golin e dytë për Fiorentina-n në minutën e e 59’, ndërsa po ai vulosi këtë takim, me golin e realizuar në minutën e 90+2’.

Pas javës së 12-të të Serie A, Fiorentina renditet momentalisht në vend të tretë me 25 pikë, teksa Verona renditet në vend të 14-të me 12 pikë./CNA





Lajmet e fundit nga