web counter
LEXO PA REKLAMA!

SHKARKO APP

App Store
Google Play

E fundit!

x

Luhet këtë të diel ndeshja e kreut të Serie A, historia e përballjeve Inter-Napoli

10 Nëntor 2024, 11:23, Sport CNA
Luhet këtë të diel ndeshja e kreut të Serie A, historia e
Inter-Napoli

Raundi i 12-të i Serie A sjell supersfidën e kreut Inter-Napoli.

Takimi që do të luhet në “San Siro”, duke nisur nga ora 20:45, këtë të diel, premton spektakël.

Inter-i dhe Napoli janë dy skuadrat më në formë të 11 javëve të para të këtij sezoni, duke u renditur, milanezët momentalisht në vend të dytë me 24 pikë, teksa napolitanët mbajnë kreun e renditjes me një pikë më shumë.

Gjatë gjithë historisë këto dy skuadra janë vënë përballë njëra-tjetrës në të gjitha kompeticionet plot 41 herë, nga të cilat 15 i ka fituar Inter-i, 14 Napoli, teksa 12 kanë dalë barazim.

Ndërkohë, sa u përket pesë takimeve të fundit mes tyre në të gjitha kompeticionet, tri i ka fituar Inter-i, një Napoli dhe një ka dalë barazim.

Në këtë përballje Inter-i vjen pas rezultateve pozitive dhe do tentojë të ruajë ritmin, teksa Napoli vjen pas disfatës ndaj Atalanta-s dhe do kërkojë kthesën te fitorja.

Sa u përket gjendjes së dy skuadrave, trajneri Simone Inzaghi nuk do të ketë në dispozicion Buchanan dhe Carlos Augusto-n, ndërsa mesfushori i Kombëtares shqiptare të fubtollit, Kristjan Asllani, është në pikëpyetje.

Antonio Conte nga ana tjetër vuan mungesat e Lobotka-s dhe Mario Rui-t, ndërsa Spinazzola është ende në pikëpyetje.

Përtej të gjitha detajeve, diçka është e sigurt, që Inter-Napoli do të jetë një përballje titanësh në Serie A./CNA

 





Lajmet e fundit nga