web counter
LEXO PA REKLAMA!

SHKARKO APP

App Store
Google Play

Bayern fiton minimalisht, Dortmund dhe Leverkusen nuk ia dalin në javën e 10-të të Bundesliga-s

9 Nëntor 2024, 17:28, Sport CNA
Bayern fiton minimalisht, Dortmund dhe Leverkusen nuk ia dalin në
Bayern Munich

Pasditen e kësaj të shtune u luajtën katër takime të raundit të 10-të të Bundesliga-s.

Bayern Munich fiton minimalisht 0-1 në transfertën e St. Pauli. Sfida e luajtur në stadiumin “Millerntor” u dominua e gjitha nga miqtë.

Bavarezët gjetën rrugën drejt rrjetës në minutën e 22’, me Musiala-n që i dha avantazhin, por njëkohësisht edhe fitoren ekipit të tij.

Pas javës së 10-të të Bundesliga-s, St.Pauli renditet në vend të 15-të me tetë pikë, teksa Bayern Munich kryeson renditjen me 26 pikë.

Bochum-Bayer Leverkusen u mbyll me barazimin 1-1, me kampionët në fuqi të Gjermanisë, që dolën me vetëm një pikë nga ky raund.

Golin për vendasit e shënoi Miyoshi në minutën e 89’, teksa për miqtë realizoi Schick në minutën e 18’.

Pas kësaj sfide, Bochum renditet në vend të fundit me dy pikë, teksa Leverkusen në vend të katërt më 17 pikë.

Borussia Dortmund u mposht me rezulttain 3-1 në transfertën e Mainz. Për vendasit realizuan Jae-Sung në minutën e 36’, Burkardt në minutën e 45+3’ dhe Nebel në minutën e 54’, teksa për miqtë rrjetën e gjeti vetëm Guirassy, i cili shënoi me penallti në minutën e 40’.

Vlen të theksohet se Borussia Dortmund luajti me dhjetë lojtarë që nga minuta e 27’, pas ndëshkimit të Can me karton të kuq.

Pas këtij takimi, Mainz renditet në vend ttë 11-të me 13 pikë, teksa Dortmund në vend të shtatë me 16 pikë.

Ndërkohë Werder Bremen fitoi 2-1 ndaj Holstein Kiel në javën e 10-të të Bundesliga-s./CNA





Lajmet e fundit nga