web counter
LEXO PA REKLAMA!

SHKARKO APP

App Store
Google Play

Ancelotti: Gabimi im më i madh? Që i kërkova Real-it rritje rroge

9 Nëntor 2024, 14:30, Sport CNA
Ancelotti: Gabimi im më i madh? Që i kërkova Real-it rritje rroge
Carlo Ancelotti

Trajneri i Real Madrid-it, Carlo Ancelotti, analizoi këtë të shtunë momentin e tij dhe të skuadrës së tij pas humbjeve ndaj Barcelona-s dhe Milan-it.

I pyetur për gabimin e tij më të madh në karrierën si trajner, italiani u shpreh se ishte kërkesa për rritje rroge në sezonin 2014-2015.

“Është e pamundur të marrësh vetëm vendime të mira në tridhjetë vjet. Për shembull, kam kaluar keq këtu në Madrid, pas vitit të parë, në sezonin 2014-2015. Isha shumë pranë rinovimit të kontratës, klubi donte të më mbante, por unë ushtrova shumë presion mbi pagën time dhe më larguan. Ishte një gabim, më i keqi që mund të kisha bërë, por më lejoi të mësoja”-tha ai fillimisht.

Teksa pyetjes nëse e konsideron veten si trajnerin më të mirë të 30 viteve të fundit, tekniku i shpreh se jo.

“Jo, nuk mendoj kështu. Kam fituar shumë, por trajnerë të tjerë kanë fituar edhe më shumë se unë. Ferguson, Guardiola apo Lobanovski. Edhe sikur të mendoja se jam trajneri më i mirë i tridhjetë viteve të fundit, çfarë do të ndodhte? A do të më bënin një statujë? Nuk mendoj kështu”-shtoi Carlo Ancelotti.

Real Madrid nuk e ka nisur në mënyrën më të mirë të mundshme rrugëtimin në Champions League, teksa pas katër takimeve të para renditet në vend të 18-të me gjashtë pikë./CNA





Lajmet e fundit nga