web counter
LEXO PA REKLAMA!

SHKARKO APP

E fundit!

x

“Derbi i shqiptarëve” në Serie A mbyllet në paqe/ Një ndeshje e vështirë për Ramadanin, Ismajli shfaqet i pandalshëm

9 Nëntor 2024, 10:49, Sport CNA
“Derbi i shqiptarëve” në Serie A mbyllet në paqe/
Ramadani

Të premten në mbrëmje u çel raundi i 12-të i Serie A, i cili solli në fushën e lojës një “derbi” shqiptarësh. Lecce e Ylber Ramadanit priti në shtëpi Empoli-n e Ardian Ismajli-t.

Sfida e luajtur në stadiumin “Via del Mare” u mbyll në paqe, me takimin që përfundoi me barazimin 1-1.

Ishin miqtë ata që gjetën të parët rrugën drejt rrjetës, me Pellegri-n që kaloi Empoli-n në avantazh me golin e minutës së 33’ dhe bëri që fraksioni i parë të mbyllej me rezultatin 0-1.

Nga ana e Lecce-s vazhduan me sulmet dhe ia dolën që të barazonin në minutën e 77’ me Pierotti-n.

Në minutat e mbetura të takimit si nga Lecce ashtu edhe nga Empoli provuan që të shënonin golin e fitores, por pa sukses dhe në fund gjithçka u mbyll me barazimin 1-1.

Pas këtij takimi, Lecce renditet momentalisht në vendin e 18-të me nëntë pikë, teksa Empoli në vendin e 10-të me 15 pikë.

Ndërsa sa u përket dy lojtarëve të kombëtares shqiptare, kjo nuk ishte një nga ditët më të mira për Ramadanin.

Ndërkohë, Ismajli që mbante edhe shiritin e kampitenit vazhdon të mrekullojë në Serie A, teksa edhe në këtë takim ishte lojtari më i mirë në fushën e lojës./CNA





Lajmet e fundit nga