web counter
LEXO PA REKLAMA!

SHKARKO APP

App Store
Google Play

E fundit!

x

Tre lojtarë në dyshim te Shqipëria, e zbulon trajneri Silvinjo

8 Nëntor 2024, 11:15, Sport CNA

Tre lojtarë në dyshim te Shqipëria, e zbulon trajneri Silvinjo

Trajneri i Shqipërisë, Silvinjo, foli për mediat pas publikimit të listës për dy ndeshjet e muajit nëntor në Ligën e Kombeve.

Silvinjo deklaroi se ka dyshime për Kumbullën, Baren dhe Manajn, të cilët janë ftuar, por nuk është e sigurt nëse do të luajnë apo jo.

“Kemi marrë 28 lojtarë, por 5 janë me kartonë të verdhë dhe menduam meqë kemi dy ndeshje në Shqipëri, nuk kemi udhëtime dhe të marrim maksimumin nga lojtarët. Për tre lojtarë jemi te zona gri. Jemi në bisedime me mjekët për Manajn, Kumbullën dhe Baren. Kemi vendosur t’i ftojmë dhe më pas të shikojmë nëse mund të luajnë apo jo. Në këtë grup mund të ndodhë gjithçka. Kemi një avantazh të vogël sepse luajmë në shtëpi, por është një grup i luftuar.

Për mua dhimbja e kokës është e mirë, që kam shumë zgjedhje. Është mundësi e rëndësishme për Kombëtaren. Është e rëndësishme që të mbetesh në lojë në këto momente. Të gjitha ekipet këtu janë shumë të mira. Manaj ka dy javë që nuk luan. Bare ka marrë një goditje në gju dhe është jashtë fushave. Sa më shumë lojtarë të kemi, na jep mundësi të ecim para. Muçi po kalon një moment shumë të mirë. Po ashtu edhe Bajrami. Para një muaji shkova e vizitova Muçin. Po kalonte një moment të vështirë, por kjo është puna jonë, që të mbështesim lojtarët. Bëmë një takim bashkë”, deklaroi Silvinjo.





Lajmet e fundit nga