web counter
LEXO PA REKLAMA!

SHKARKO APP

App Store
Google Play

E fundit!

x

Ancelotti: Dua një tjetër trofe Champions-i para se të dal në pension, ju zbuloj dy klubet më të mira në botë

12 Nëntor 2024, 10:27, Sport CNA
Ancelotti: Dua një tjetër trofe Champions-i para se të dal
Ancelotti

Carlo Ancelotti zbulon qëllimin e tij kryesor si trajner përpara se të dalë në pension. 

Në një intervistë të dhënë së fundmi, tekniku italian foli ndër të tjera edhe për marrëdhënien me lojtarët e tij.

“Unë jam mik me lojtarët e mi dhe dua të jem edhe në vazhdim. Ata mund të flasin me mua për çdo gjë. Unë u them atyre hapur: Dua të ndërtoj një marrëdhënie të mirë me ju”, -tha ai fillimisht.

Sipas Ancelotti-t, klubet më të mira ku ai ka punuar janë Milan-i dhe Real Madrid-i.

“Për klubet më të mira mund të përgjigjem: Milan-i dhe Real Madrid-i. Sa për ekipin më të mirë, është e vështirë të flas. Unë kam pasur nderin të menaxhoj lojtarë dhe ekipe fantastike. Nuk mund t’i rendis lojtarët më të mirë që kam stërvitur. 11-shja ime më e mirë nuk ekziston, është e pamundur ta përzgjedh atë. Çfarë lojtarësh të jashtëzakonshëm kam stërvitur, pa dallime”, -shtoi 65-vjeçari.

Kreu i stolit të “Los Blancos” zbuloi se qëllimi i tij aktual është që të fitojë edhe njëherë Champions League-n para se të dalë në pension.

“Para se të ndaloj së trajnuari do të doja të fitoja një tjetër trofe të Champions League-s dhe pastaj një tjetër. Çdo trajner dëshiron të arrijë në majë, por të stërvitësh Real Madrid-in është vërtet e veçantë. Është klubi më i mirë në botë për historinë, atmosferën, tifozët e tij. Pastaj është Milan-i, klubi më i mirë për të studiuar futboll. Unë pata mundësinë të punoja në të dyja këto klube të mëdha”, -deklaroi ndër të tjera Carlo Ancelotti.

Real Madrid-i nuk është duke kaluar një moment aspak të mirë as në kampionatin e La Liga-s e as në Champions League, megjithatë Ancelotti është i qartë në qëllimet e tij./CNA





Lajmet e fundit nga