E fundit!

20:10 Aktualitet

Fjalimet para Kryeministrisë/ Protestuesi: Pushtetarët janë tmerruar, nuk gjejnë vend ku të futen

Pas grumbullimit në qendër të Tiranës dhe vendosjes para g...

E bujshme/ Dy klube të La Ligës futen në lojë për Myrto Uzunin

28 Dhjetor 2022, 08:58, Sport CNA

E bujshme/ Dy klube të La Ligës futen në lojë për Myrto

Njëmbëdhjetë golat e shënuar nga Myrto Uzuni (të gjithë brenda në shtëpi), jo vetëm që e mbajnë shqiptarin si golashënuesin më të mirë në Ligën e Dytë spanjolle, por e mbajnë edhe Granadën në vendet që është e drejta e “play off”-it për ngjitjen në elitë, në të cilin ata janë duke vuajtur shumë më tepër probleme sesa ishte premtuar në fillim të sezonit.

Një trajner i ri ka zbarkuar në ekipin e Myrtos, për të rikthyer një Granada, e cila po fundosej nga Karanka (ish-trajneri), por ka shanse ende për ngjitjen edhe falë goditjes që u bë me Myrto Uzunin në merkato. Një lojtar, i cili në tetor të këtij viti rinovoi me Granadën deri në vitin 2026, duke e zgjatur kontratën e tij edhe për një vit dhe duke parë pagën e tij që të përmirësohej pas rënies me 50% që nuk korrespondonte me paraqitjen e tij në fushë. Një mënyrë kjo që Granada të kënaqë futbollistin e saj më të mirë dhe ta pengojë atë të kapet pas thirrjeve të disa klubeve që mund të vijnë në muajin janar, mes tyre Betisi dhe Sevija, ashtu siç raporton edhe “Estadio Deportivo”.

BIZNES- Një rinovim që megjithatë nuk do të thotë se Myrto Uzuni do të vazhdojë me Granadën nëse skuadra e tij nuk arrin të ngjitet në La Liga. Dhe këtu Uzuni tregon një model për një biznes fitimprurës, shumë fitimprurës. Së pari, për performancën fantastike dhe kontributin e golave të shënuar në ligë duke qenë një lojtar kyç. Dhe së dyti, sepse kjo mund të lidhet me një shitje të rëndësishme, pasi ai mbërriti në Granada rreth një vit më parë nga Ferencvaroshi në këmbim të 4 milionë eurove. Ai ka qenë një prurje e ish-trajnerit Roberto Moreno, i cili ka dorëzuar raportin më të gjatë dhe më të argumentuar nga një lojtar në historinë e klubit. Një listë e përpiktë arsyesh të vërtetuara dhe argumente të forta që mbështetën blerjen e Uzunit.