web counter
LEXO PA REKLAMA!

SHKARKO APP

App Store
Google Play

E fundit!

x

Shehi: Asnjë skuadër në Shqipëri nuk e ka arritur atë që bëri Tirana në 2022-shin

27 Dhjetor 2022, 15:26, Sport CNA

Trajneri Orges Shehi, duke folur për vitin 2022 në drejtimin e Tiranës, tha se asnjë skuadër në Shqipëri nuk e ka fituar kampionatin me dominim aq të madh sa bardheblutë në sezonin e kaluar.

I pyetur në emisionin “SportZone” në "MCN TV", nëse Partizani është skuadër më e mirë se Tirana, Shehi deklaroi se nuk ka shumë diferenca mes skuadrave të Superiores.

"Edhe pse e plotësuam organikën në fund të merkatos, jemi të kënaqur me atë që kemi marrë. Një skuadër që plotësohet në moment të fundit, të ketë këtë bashkëpunim, është e rëndësishme. Duam të përforcohemi dhe në merkaton e janarit të plotësojmë vendet.

Partizani skuadër më e mirë se Tirana? Për pesë ditë situata u përmbys, sepse ishim ne përpara. Partizani ka një skuadër të mirë dhe të konsoliduar. Unë mendoj se skuadrat nuk janë shumë larg njëra-tjetrës. Nuk mendoj se ka diferenca të mëdha. Këtë vit ne e kemi mbyllur të parët dhe morëm kampionatin me dominim të madh. Nuk ka ndodhur ndonjëherë të fitojë një skuadër ashtu si ne, me dominim aq të madh në Shqipëri. Fituam edhe Superkupën, i sollëm klubit dy trofe. Në Europë kaluam një moment jo të mirë. Mësuam se duhet të kemi kontingjent më të plotë. Kemi bërë mjaftueshëm shumë mirë.

Tani duhet të mendojmë për vazhdimësinë dhe kampionatin. Europa do një marsh tjetër, është shpejt të mendosh për të. Kur luan me kampionët, duhet të përforcohesh shumë."

Shehi u ndal edhe te të rinjtë, për të cilët u shpreh se promovimi nuk u ka munguar.

"Elementi i ri nuk ka munguar, edhe pse në ndeshje të caktuara ne duam ta zgjidhim në mënyra të caktuara. Vjet ishte Gjumsi, këtë vit Qefalija. Ato elemente që janë, kanë marrë promovim. Fati i keq i Qefalijas që u dëmtua. Kishte përkrahjen time dhe kisha besim të madh tek ai. I kemi dhënë besim edhe në Europë. Lojtarët e tjerë këtu janë, stërviten çdo ditë. Shpresoj të jem sa më shumë në dilemë, për aktivizimin e lojtarëve.

Ndaj Laçit nuk do futemi me trysni dhe presion. Ne duhet të punojmë me qetësi. Të jemi të kthjellët. Duke qenë të qetë, shpresojmë të bëjmë më të mirën, duke ditur që kampionati është i gjatë, duhet të nisemi me mentalitetin e ekipit kampion.

Pauza e Botërorit nuk na prishi punë, ndonëse na ndryshoi mënyrën e punës. E nisëm mirë, duke fituar me Kastriotin dhe Superkupën. Na prishi punë ai 5-ditëshi me Teutën dhe Partizanin."





Lajmet e fundit nga