web counter
LEXO PA REKLAMA!

SHKARKO APP

App Store
Google Play

Kukësi në dilemë për stolin, një emër i ri është në tavolinën e verilindorëve

27 Dhjetor 2022, 09:20, Sport CNA

Kukësi në dilemë për stolin, një emër i ri

Kukësi duhet ta nisë merkaton e janarit nga stoli. Verilindorët duhet të vendosin nëse do t’i besojnë Rrahman Hallaçit apo drejtimin e skuadrës do ta marrë një tjetër trajner. Kjo është dilema më e madhe e drejtuesve në prag të merkatos së janarit.

Ish-kapiteni i Kukësit mori drejtimin e skuadrës pas largimit të Enekleid Dobit, teksa në dy sfida siguroi 3 pikët, ato ndaj Laçit. Por siç duket në tavolinën e drejtuesve ka mbërritur një emër i ri. Bëhet fjalë për Bylbyl Sokolin. Sipas shtypit të shkruar 64-vjeçari është kundërshtari kryesor i Hallaçit për stolin e Kukësit.

Gjetja e një timonieri duhet të bëhet menjëherë, pasi puna për të shpëtuar nga rënia e skuadrës duhet të nisë shpejt. Krerët e lartë të Kukësit kërkojnë se cilido të jetë trajneri, Kukësit duhet të kapë Europën, pasi në të kundërt do të bëhej viti i tretë jashtë garave europiane dhe dëmet financiare sa vijnë dhe shtohen.





Lajmet e fundit nga