E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shpërthen Premier League në ‘Boxing Day’! Pas barazimit në mesditë, vinë pesë fitore me shumë gola në transfertë…

26 Dhjetor 2022, 22:03, Sport CNA

Topi nis të rrotullohet më idhull. Shumë gola në pasditen e Premier League, teksa u luajtën ndeshjet e javës së 17-të, në atë ashquajturën Boxing Day. Pas barazimit intrigues në barazimin 2-2 midis Brentford-Tottenham, ku ‘Spurs’ pas një fillimi të dobët, në të dytën kthyen gjithçka dhe për pak sa nuk fituan, u erdhi radha ndeshjeve të tjera...

Edhe pse në transfertë, Fulham shëtit në fushën e Crystal Palace dhe fitoi 3-0, duke përfituar edhe nga fakti që dy lojtarë vendës, Mitchell (34’) dhe Tomkins (57’), u ndëshkuan me kartonë të kuq, duke e lënë Crystal Palace me nëntë lojtarë në fushë. Reid (31'), Ream (71') dhe Mitrovic (80') shënuan për Fulham.

Ndërkohë edhe Newcastle triumfoi ndaj Leicester. ‘Magpie’ shënoi tri herë, duke i mbyllur llogaritë që në pjesën e parë me Wood (3’) me penallti, Almiron (7’) dhe Joelinton (32’), që fiksoi fitoren 3-0. Momentalisht Newcastle renditet i dyti në tabelë pas Arsenalit, edhe pse janë dy ndeshje përpara Manchester Cityt.

Sakaq edhe Brighton fitoi 3-1 në transfertë ndaj Southampton, duke shpërdoruar mundësinë edhe për një rezultat më të thellë. Llallana (14’), Mars (56’), Ward-Prowse (73’) shënuan për miqtë, të cilët i dhuruan një autogol Southamptonit me anë të Perraud (35’).

Fitore 2-1 e minutës së fundit për Wolverhampton të Lopeteguit (në debutimin e tij) në fushën e Evertonit. Podense (22’) dhe Ait Nouri (95’) shënuan për Wolves, ndërkohë që vendësit kaluan të parët në avanatazh me anë të Mina (7’), epërsi që nuk mundën ta ruajnë. Trajneri Lampard tani është në telashe.

Edhe Liverpool arriti një fitore të thjeshtë 3-1 në transfertë ndaj Aston Villas. Salah (5’) hapi rrugën për gol edhe për Van Dijk (37’). Watkins (59’) intrigoi disi ndeshjen duke ngushtuar rezultatin në 1-2, por i riu Bajcetic (81’) do të fiksonte fitoren e ‘Reds’.

Ja rezultatet teknike të ndeshjeve të sotme:

Brentford - Tottenham 2-2
Crystal Palace - Fulham 0-3
Everton - Wolverhampton 1-2
Leicester - Newcastle 0-3
Southampton - Brighton 1-3
Aston Villa - Liverpool 1-3

Ndeshjet e Premier League do të vazhdojnë sipas këtij kalendari:
E martë 27 dhjetor
18.30 Chelsea - Bournemouth
21.00 Manchester United - Nottingham Forest

E mërkurë 28 dhjetor
21.00 Leeds - Manchester City